гүн ухааны ДУГУЙЛАН

Японы ирээдүй тодорхой болсоор

2012-01-07T07:57:00.000+01:00

Саяхан интернэтээр цацагдсан нэгэн помидорьны зурагийг харлаа. Сайтама гэдэг хотод 2011 оны зургаан сард хураасан помидорь.Үнэн худал гэж ярьж байгаа ч надад бол ойлгомжтой санагдаж байна. Мэдээж Фукушимагийн ослоос болж мутацилагдсан помидорь.

Эх сурвалж: http://fukushima-diary.com/2012/01/worst-vegetable-mutation/

Дээрх помидорийг харахаар надад Казакстаны Семипалатинскын цөмийн бөмбөгний туршилтанд хохирсон нэгэн залуугийн царай санагдлаа. Дээрх помидорь доорх залуутай адилхан биш байна гэж л битгий хэлээрэй. Японд удахгүй хөөрхий энэ залуутай адил, үүнээс ч хэцүү мутант хүмүүс төрөх болно.

зургийн эх сурвалж: http://didierruef.photoshelter.com/image/I0000gndgY7vhf3k

Гамшиг гайхамшиг хоёр

2012-01-07T07:21:00.000+01:00

Заримдаа бодох юм. Улаанбаатарт гамшиг, гайхамшиг хоёр нэгэн зэрэг нүүрлэжээ.

Гамшиг нь бол мэдээж утаа.Утаа утаадаа юуны утаа вэ? Элдэв нүүрс,тос, хаймар,автомашинаас гарч байгаа гээд л хорт бодисууд. Мэдэх зүйл алга. Ямар ч байсан Улаанбаатарт гамшиг нүүрлэжээ гэдэг нь ойлгомжтой.

Харин гайхамшиг нь юу вэ? Гамшигтайгаа эвлэрээд арав гаруй жил амьдарч чадаж байгаа хүмүүс бол "гайхамшиг".

Арай ч дээ гэж бодон толгойгоо сэгсэрсээр байгаад толгой эргэж, дотор муухай оргиж байна. Гэхдээ толгойгоо сэгсэрснээс болов уу эсвэл хорт утаанаас болов уу. За даа хорт утаа байх. Зарим аймшигийн гамшигтай үед хамаг бие минь зөвхөн нүүрснээс тогтсон мэт, бүх судасаар минь нүүрсний исгэлэн хорт тархсан мэт санагдаж, аманд нүүрс, утаа, өөр юу ч байдаг юм амтагдана.

Монгол улс хөгжиж байна л гэх юм. Зарим талаараа бол хөгжиж байна аа. Гэхдээ хүн амын тал нь амьдардаг, хүн болгон амьсгалдаг агаар нь ийм байвал юун хөгжил вэ. Хэдэн олсон төгрөгөө ирээдүйд эрүүл мэндээ эргүүлэн олж авах гэж үрээд дуусах нь ойлгомжтой.

Дээр нь нөгөө олсон гээд байгаа мөнгөнийх нь үнэ цэнэ унасаар, унасаар. Юмны үнэ нь бол тун өндөр. Арга ч үгүй. Бүх зүйлээ гаднаас импортлоод, дээр нь зарим нэг худалдаачид нь 100 хувийн ашиг нэмж байгаа болохоор (түүнээс ч их?). Мөнгө олдог хэсэг нь сардаа бол хэдэн арав зуун мянга, түүнээс ч их доллар олдог бололтой. Нөгөө хэсэг сардаа 300 000 мянган төгрөг. Гуравдагч хэсэг нь боломжийн мөнгө олдог болохоор амьдралдаа сэтгэл хангалуун, өөрийгөө болгоод л байна. Мөнгөтэй хэсэг нь гэртээ агаар цэвэршүүлэгч аваад тавьчихна, эсвэл хотоос аль хэдийн нүүгээд явчихсан. За за ямар ч байсан мөнгөний ханш унасаар.

Хүмүүсийн ярьж бичих нь ээ Монголбанк зориудаар санаатай мөнгөний ханшыг унагаж байна гэх юм. Ченжүүд нь долларын ханшыг хөөрөгдөж байна гэх. Мөнгөний ханшыг унагаж байгаад засагийн эрхэнд байгаа хэсэг нөхөд амлалт гээд нэг сая төгрөг өгөх юм гэнэ. Удахгүй өгөх нэг сая төгрөг нь дөрвөн жилийн өмнөх нэг сая төгрөгөөс мэдээж үнэ цэнэ тодорхой хэмжээгээр алдчихсан.

Ер нь монголд нэгэн зүйлээр нарийн ширийн судалгаа хийдэг хүн алгаа. Жишээ нь эдийн засаг санхүүгийн байдал, нөхцөл, трендтэй харицаад байдаггүй нэгэн хэсэг нь тухайн салбарынхны тайлбар анализыг сонсоё гэхээр ерөөсөө тийм юм олдохгүй юм. Эсвэл би олохгүй байгаа юм болов уу? Эрүүл мэнд, сэтгэл сэтгэц гээд тулгамдаж байгаа салбарт бас байхгүй. Энд тэнд байгаа зүйлийг нь уншихаар нэг л хангалтгүй.
Гэхдээ ирээдүйд аналист, синтетист хүмүүс төрөх бизээ.
гэх мэт.
Зөвхөн миний хувийн бодолууд байлаа.

Японоос импортлогдож буй хүүхдийн тэжээлээс татгалзаарай

2011-12-17T18:25:00.000+01:00

Өнгөрсөн 3 сарын 11 нд Фукушимад болсон дэлбэрэлт цөмийн дэлбэрэлт байсан талаар энд тэнд яригдаж эхлээд байна. Энэ талаарх хамгийн сүүлийн мэдээ гэвэл Японы ерөнхий сайд байсан Хатояама Фукушимагийн дэлбэрэлт цөмийн дэлбэрэлт байсан гэдгийг илтгэсэн бичлэг бичжээ. Эндээс орж уншаарай http://ex-skf.blogspot.com/2011/12/former-japanese-pm-hatoyama-fukushima.html

Тэрнээс гадна Японд үйлдвэрлэгдэж буй хоол хүнснээс ялангуяа ХҮҮХДИЙН ТЭЖЭЭЛ ХООЛ СҮҮнээс татгалзахыг эцэг эхчүүдээс хүсч байна. Учир нь МЕЙЖИ (Meiji Co.)компанийн хүүхдийн хуурай сүүнээс 30.8 беккерель/кг. цезиум илэрсэн байна. Дэлгэрэнгүй мэдээг эндээс:http://mdn.mainichi.jp/mdnnews/news/20111209p2g00m0dm174000c.htmlСаяхан нэг хүний амнаас сонсох нь ээ Японоос маш их хэмжээгээр Монголд хүүхдийн хоол тэжээл сүү бусад зүйлс орж ирж байгаа юм байна. Та бүхэн хүүхдээ хордуулан, өвчин эмгэгтэй болгохыг хүсэхгүй байгаа бол ЯПОН ХООЛ ХҮНСИЙГ БҮҮ ХУДАЛДАН АВААРАЙ.

Сүүлийн үеийн мэдээг ажиглаад байх нь ээ японд маш их хүн цусны хорт хавдараар өвдөж эхэлсэн бололтой.

Түрандот

2011-09-24T18:04:00.002+02:00

Жиакомо Пүччинигийн хамгийн сүүлчийн дуурь. Үнэхээр гайхалтай миний хамгийн дуртай дууриудын нэг.
Хөгжимийг сайн мэдэхгүй ч үнэхээр олон талын хэмнэлтэй маш сайхан сайхан дуунуудтай дуурь байгаа юм. Та бүхэн заавал үзээрэй.
Түрандот гүнжид дурласан Татарын ханхүү Калафын тухай юм.
Сонирхсон хүн нь Бээжин дэхь Хориотой Хотод дэглэсэнийг нь үзээрэй.
Онц сонирхолтой дуурь шүү.

Lets listen

2011-07-10T19:18:00.005+02:00

Зээ хөө блогтойгоо учиран золгосон үгүй тун уджээ.

Та бүхэндээ өөрийн сонсох дуртай 2 аяыг бэлэг болгон барьж байна.

Эхнийх нь бүр 1993 оных, одоогоос бараг 20 жилийн өмнөх dance. Классик!!!!!
Дараагийнх нь Trentemollerийнх 2003 он хавьцаагийнх байх

Japan nuclear meltdown the more I think about it the angrier I become WHERE THE FUCK

2011-05-28T14:16:00.002+02:00

ДЭЛХИЙ ДЭЭР БАЙГАА ХАРААЛ ИДСЭН АВИЛАГЧ, ХУДАЛЧ, ХУЛГАЙЧ, ТЭНЭГ, АРЧААГҮЙ, ЗЭВҮҮН, ХҮЙТЭН бүх хүмүүсийг ХАРААЛ ИДЭГ. ХҮН ТӨРӨЛХТӨН БОЛ БАЙГАЛИЙН АЛДАА БАЙЛАА...

http://youtu.be/OVRldUMW5v4

Нинжа Үндэстэн Монгол- баримтат кино

2011-05-27T21:49:00.002+02:00

Заавал үзээрэй

http://youtu.be/NX0vwAt96cU

Монгол хүүхэдүүд хятадуудын эсрэг жагсчээ

2011-05-26T18:41:00.005+02:00

Өвөр монголд болж байгаа явдалыг та бүхэн сонссон биз дээ? Сонсоогүй уншаагүй бол ийшээ орж мэдээлэл аваарай
http://www.smhric.org/
http://www.lupm.org/mn/index.htm

Сүүлийн жилүүдэд хятадын эрхшээлд амьдарч буй Төвд болон Уйгарууд Хятадын эсрэг тэмцээд тухай бүрд ээ дарагдаж байсан билээ. Би дотороо бол гайхаж л байлаа: Манай өвөр монголчууд яагаад чимээгүй байна вэ? гэж. Гэтэл хэд хоногийн өмнөөс Хятадын эсрэг жагсч эхэлжээ. Хятадуудаас эхний ээлжинд юу шаардаж буйгаа ч бичсэн байна. Та бүхэн уншаарай.

СУРГУУЛИЙН 2000 гаруй СУРАГЧИД буюу ХҮҮХЭДҮҮД жагссан байна.

Дайн болох уу? (аюулт жүжиг үргэлжилсээр)

2011-05-23T13:37:00.004+02:00

Дэлхийн их гарын тоглогчид бүгд үймэж байна.

Пакистан руу Талибан халдаж, дайн зарласан гэжээ.
Талибан бол АНУ тагнуулын алба CIA-ын бүтээгдэхүүн гэдэгийг бид мэднэ.

Бин Ладеныг Пакистаны газар нутагаас оллоо гэсэн жүжигийн цаад санаа бол АНУ Пакистаныг өдөөн хатгаж, шалтаг хайсан хэрэг байлаа.

Үүний дараахан Хятадын засагийн газар "Пакистан Хятад хоёр үй зайгүй найзууд" хэмээн дайны үед Хятад Пакистантай нэг тал болно гэдгээ илэрхийлэв. Хэрэв АНУ Пакистантай байлдвал Хятадтай ч мөн дайтана гэсэн үг. Энэтхэг бол АНУ-ын талд.

Хэд хоногийн өмнө Оросын ерөнхийлөгч шинэ Хүйтэн Дайн үүсэх вий гэж Америкчуудад сануулсан.

Хэрэв дайн болвол морио унаад сэлэмээ эргүүлэх биш, бие биенийхээ газар нутаг дээр атомын бөмбөг хаях, цөмийн элдэв зэвсэгүүдийг хэрэглэх болно.

Ямар ч байсан дэлхий дахины их гарын тоглогчид, нууц ноёнтонууд ямар нэгэн зүйл төлөвлөсөн бололтой.

Талибан Пакистан улст дайн зарлав
http://www.spiegel.de/politik/ausland/0,1518,764206,00.html

Update: Миний дээрх бичлэг зарим хүмүүнд ямар ч холбоо хамааралгүй зүйлийг хольж хутгасан, буруу, бүр галзуу хүний тэмдэглэл шиг санагдаж болох юм :) гэхдээ л миний бодол билээ. Дэлхий даяар болж буй явдалын талаар та бүхэн өөрсөдийнхөө дүгнэлтээ хийгээрэй

Японы ирээдүй ба монгол эмч нарт хандах нь

2011-05-22T12:29:00.011+02:00

Саяхан нэг ном гүйлгэн харж байтал Чернобылын осолын үр дагаварыг харуулсан зураг байхаар нь блогтоо тавихаар шийдлээ. Бид үнэнийг улаан нүүрээрээ харах хэрэгтэй учир цаашид блогтоо тавих хөөрхий хүүхэдүүд, хүмүүсийн зурагийг томоор тавих болно.Цацраг идэвхит туяа бид бүхэний генд нөлөөлж, удамшилын мэдээлэлийг устгадагийг хүн бүр мэднэ.

Хэрэв та бүхэн сонссон бол японы Фукушима АЦС-ын гурван реактор дахь цөмийн түлш аль хэдийн хайлчихсан билээ. Энэ нь юу гэсэн үг вэ? Радио-актив буюу цацраг идэвхит бодисууд газарын гүнрүү, агаарлуу, усруу тархсан (эсвэл ирээдүйд тархана).

Чернобылд нэг реактор дэлбэрэн цөмийн түлш хайлсан бол Фукушимад ГУРВАН реактор доторх цөмийн түлш хайлсан. Тэгэхээр хор уршиг Чернобылоос хэд дахин илүү байх нь ойлгомжтой.
Японыг ямар ирээдүй хүлээж буй вэ гэхээр дээрх шиг эрэмдэг зэрэмдэг хүүхэдүүд ихээр төрөх болно. Японы хүн ам ирээдүйд хурдтай багасч, хүмүүсийн дундаж наслалт богиносно. Элдэв хавдар газар авна.

Ганц япон гэлтгүй японы эргэн тойрон дохь оронуудад (монголд ч ялгаагүй) өвчлөх хүний тоо ойрын ирээдүйд хурдацтай өснө.

Гэтэл манай Монгол улст Атомын цахилгаан станц барих гээд байдаг. Ийм шийдвэр яав ч эрүүл хүний ухаанаас гарахгүй.

Дээр нь миний нэг гайхдаг зүйл гэвэл ЯАГААД МОНГОЛЫН ЭМЧ НАР зүгээр харсаар байгаад монголд АТОМЫН ЦАХИЛГААН СТАНЦ барихыг ЗӨВШӨӨРНӨ ВЭ?
Яагаад эмч нар аюул осолыг нуун дарагдуулна вэ? Яагаад эмч нар ард түмэнийхээ эрүүл мэндийн төлөө дуугарахгүй байна вэ?
Эмч хүний ажил бусадын буруу шийдвэрээс болж үүссэн үр дагаварыг л засдаг "засварчины" ажил уу, эсвэл буруу үйлдэл хийхээс нь өмнө хэлж залруулдаг ухаант хүний ажил уу?

Миний мэдэхийн цөмийн дайн, цөмийн зэвсэг, атомын станцын эсрэг ажилладаг олон улсын эмч нарын олон байгууллага холбоод байдаг.
Эмч хүн өөрийн уйгагүй олон жилийн хөдөлмөрийн үр дүнд олж авсан өргөн мэдлэг, бусадын төлөө гэсэн сайхан сэтгэлээрээ олоны хайр халамж хүндэтгэл дунд байдаг.
Чухал үед олон нийтэд буруу зөвийг ухааруулж явах замыг нь заадаг ачтан биш бил үү?

Тэгэхээр монголын ард түмэнээ аврах, хамгаалах чухал хариуцлагатай үе хүндэт эмч нарт ирж байна.
Ялангуяа залуу, цогтой, золбоотой, ухаантай, сэтгэл сайт эмч нарт хандаж байна!
Энэ бүхэн өчүүхэн миний бодол байлаа.

Сүхбаатар: Журамын нөхдөд хандаж хэлсэн үг

2011-05-19T14:15:00.003+02:00

“Манай цөөн ядуулаг Монгол улс, энэ зүйл их хэргийг оролдон тэнгэрийн дор, дэлхийн дээр эрдэмтэн хүний биеийг олж төрсөн нь гайхамшиг зохиол, эхийн хэвлийгээс гарч нялх нялзрайгаас эцэг эхийн хүмүүжүүлэн тэжээх, асралд дэгжиж өдрийг түлхэн өссөөр бие тэгшрэн, санаа олж хүмүүжсэний хойно, хэдий мэргэн, мунхаг адилгүй хүчирхэг буурай өөр боловч, аливаа хүн сурах чиглэлийг эрхэм болговол хандах зүг өвсбээн /аяндаа/ тогтоно. Эв санал нэгдвэл орчлонгийн түмэн бодисыг гийгүүлэн авч хүчтэнийг хураан чадна.

Түүнчлэн бидний улс эв саналыг нэгтгэн нийт нэгэн хүчийг нийлүүлэн нэгэн зэргээр зориглон хөдөлбөл үл хүрэх газаргүй бөгөөд мэдэхгүй ба чадахгүй гэх явдал огт үгүй болж гадаад дотоодын эзэрхэгийн савраас гарч, учрах зовлонгүй болж болохыг дан ганц бидний сэтгэлийн чин зориг мэднэ. Ташаагүй үнэн болохыг би батлан өгүүлнэ”.

эх сурвалж
http://news.gogo.mn/news/print/65590

Испани залуус хувьсгал хийх үү?

2011-05-19T13:46:00.004+02:00

5 сарын 15 наас хойш Испани залуус, оюутанууд, ажилгүйчүүд, ерөөс улс төрчидөд, намуудад, банкируудад сэтгэл дундуур байгаа бүх хүмүүс нийлэн "Real Democracy!", жинхэнэ ардчилалын төлөө хэмээн гудамж, талбайд жагсч эхэлжээ. Одоогоор 50 гаруй хотуудад залуус төв талбайд байнгын цуглаан зохион байгуулж байна.

Испанид 25 хүртэлх настайчуудын 45 хувь нь ажилгүй гэнэ. Магадгүй үүнээс ч их, 60% байх ч магадлалтай гэнэ. Асар том тоо.

Арабын хувьсгал Европ руу тархаж байна уу?

Хэзээ манай залуус өөрсөдийнхөө төлөө, ирээдүйнхээ төлөө, зөв шударгын төлөө жагсаал цуглаан хийх вэ? Хэзээ эх орныхоо жолоог гартаа атгах вэ?

Герман хэлээр юу болж байгааг ойлгомоор байвал ийшээ
http://www.spiegel.de/video/video-1128251.html

Доорх видеон дээр англиар.
http://youtu.be/n4yX6GlH-yk

Өрөвдөлтэй

2011-05-19T02:14:00.002+02:00

Хэлэх үг алгаа, олонх монголчууд яагаад ийм өрөвдөлтэй, хулчгар, тэнэг болчихоо вэ?
No comments, please!

Үнэнийг хэлцгээе

2011-05-15T18:01:00.006+02:00

Жорж Бушын төрийн нарийн бичигийн дарга байсан Кондолыза Райс одоо Стэнфордын их сургуульд багшилдаг аж. 5 сарын 6 нд лекцээ уншиж байхад нь нэгэн зоригт эмэгтэй ^_^ босон түүнд үнэнийг улаан нүүрэнд нь хэлж буйг доорх бичлэгээс хараарай. "Райс шүүхийн өмнө зогсч байх учиртай. Дайн хийж олон сая хүнийг алсан. Олон улсын хууль эрх зүйн талаар янз бүрийн юм ярих эрхгүй хүн" хэмээн тэр эмэгтэй чангаар хэлэв.
Райс юу гэж хариулсан гээч - Там руугаа тонил оо!

Райс мэтийн юу ч хийхээс буцахгүй, ичих булчирхайгүй болсон хүмүүс хаа сайгүй байх юм аа. Дэлхийд тэргүүлэгч гэх нэртэй Стэнфордын их сургуулийн оюутанууд дээрх эмэгтэйг "доош нь хийж" буйг сонсоод тэднийг өрөвдчихлөө. Тархиа угаалгасан хөөрхий оюутан нэрт оюунгүй хүмүүс.
Үнэнийг хэлж буй нэр нь үл мэдэгдэх эмэгтэйгээс суралццгаая.

Өнөөдөрийн аялгуу

2011-05-15T14:55:00.003+02:00

Гадаа бороотой сэрүүхэн. Завгүй өдөрүүд үргэлжилсээр.
Номын санруугаа гэлдэрлээ.
Унших зүйл их, бодох зүйл арвин, хийх зүйл дуусашгүй...

Дуртай хамтлаг ELBOW (англи, альтернатив рок) маань 3 сард шинэ альбом гаргажээ.
Доорх дуу таалагдлаа. Намуухан дуу сонсох хэрэгтэй болоод байгаа юм...
http://youtu.be/0lggqWoPnL0

Германчууд атомын цахилгаан станцаас татгалзаж байна

2011-05-12T00:47:00.000+02:00

(дээрх зураг: Германы бүхий л том хотуудад АЦС-ыг эсэргүүцсэн жагсаал болов)

ХБНГУ коммерциаль ажиллагаатай 17 АЦС-тай. Үүнээс гадна судалгаа шинжилгээнд зориулсан 11 атомын реактор нэмэгдэнэ.

2002 онд засагийн эрхийг барьж байсан Социал демократ нам, Ногоон намын эвсэл АЦС ажиллуулдаг дөрвөн том компанитай зөвшилцөн Атомын Хуулиндаа (Atomgesetz) өөрчилөлт оруулсан юм. Уг хуулийн өөрчлөлтийн гол санаа нь шинээр коммерциаль АЦС барихыг хориглосон явдал байв. Мөн ажиллаж буй АЦС-уудад дундажаар 32 жил л ажиллах хугацаа зааж өгсөн. Уг хууль цөмийн эрчим хүчнээс татгалзах алхамыг дэмжих зорилготой юм.

Одоо ажиллаж буй АЦС-ууд голчлон 1970-1982 онд ашиглалтанд орсон. Дээрх хуулиар 2023 он гэхэд бүгд ашиглалтаас гарах байлаа.
(дээрх зураг: Фукушима осолын дараахан хүмүүс эсэргүүцэлээ гинжин цуваа үүсгэн илэрхийлэв. Цаана нь АЦС харагдаж байна. Уг цуваа 45 км үргэлжилсэн билээ.)

Гэтэл шинээр сонгогдсон засагийн газар болох Христ-демократ Нам (CDU) Чөлөөт ардчилсан намуудын (FDP) эвсэл дээрх хуулийг өөрчилөн АЦС-уудын ашиглалтын хугацааг сунгачихав. 1980 оноос өмнө ашиглалтанд орсон 7 АЦС-ыг 8 жилээр хугацааг сунгах, үлдсэн 10 АЦС-ын хугацааг 14 жилээр сунгах хууль баталчихав. Тэгэхээр 2036 онд л Германчууд АЦС-аас нэг мөр салах болчихоод байв.

Хэдийгээр ард иргэд хугацааг сунгахыг хүчтэй эсэргүүцсэн ч хэн ч тэдний үгийг сонссонгүй ээ. Энэ бүх явдал 2010 онд болсон юм.

2011.3.11-д харин бүх зүйл орвонгоороо эргэв. Японы Фукушимад АЦС-ын 4 реактор сүйрэлийн эрмэгт тулан ирлээ. Өдөржин шөнөжин энэ талаар бүхий л мэдээлэлийн сувагаар ярилццгаасан. Германчуудын олонх нь засагийн газар Атомын хуулийг өөрчилсөнийг шүүмжилж, АЦС-аас салахыг засагийн газараасаа шаардах болов.

Улс төрийн амьдралын хувьд Христ Демократ засагийн газарын өмнө том шалгуур ирсэн нь 3 сарын 27 нд буюу Фукушимагийн осолоос хойш 16 хоногийн дараа Германы эдийн засаг, улс төрөөр тэргүүлэх муж улс Бадэн-Вюүрттенбэргт (Baden-Württemberg) парламентын сонгууль болох байв.

Сонгуулийн ч үр дүн гарлаа. АЦС-уудын ашиглалтын хугацааг сунгасан эрх баригч хоёр нам хоёул ялагдлаа. Иргэд ч сонгуульдаа маш идэвхитэй оролцсон юм.

Герман улсын түүхэнд анх удаа Ногоон Намаас муж улсын ерөнхий сайд сонгогдсон билээ. Ногоон Нам анх удаа олонх болов. Мэдээж Ногоон Намын байр суурь бол цөмийн эрчим хүчнээс татгалзах. Германчууд засагийн газарынхаа бодолыг ийнхүү эсэргүүцэж буйгаа амжилттай мэдрүүллээ. Буруу зүйл хийлээ хэмээн зохих шангийг нь сонгуулиар мэдрүүлэв.

Энэхүү ялагдалын дараа Канцлер Ангела Меркэл өөрийн намын баталсан, АЦС-уудын хугацааг сунгахаа больж, 1970 аад онд баригдсан 7 АЦС-ынхаа үйл ажиллагааг шат дарааллан зогсоож, сэргээгдэх эрчим хүчрүү төрийн бодлого дэмжлэгтэйгээр орон даяараа эргэлт буцалтгүй орохоо илэрхийлсэн юм.

Хэдийгээр АЦС эрчим хүчний хямд эх үүсвэр ч, түүний аюул осолыг хүмүүс хэзээ ч урьдчилан харж, сэрэмжлэх чадваргүй юм.

Германчууд аж үйлдвэржсэн улсуудаас анхдагч болон томоохон шалгуурыг өөртөө үүрэхээр зориглов. Улс ороноороо сэргээгдэх эрчим хүчийг хэрэглэн, олон улсуудад үлгэр дууриалал болохоор шийдлээ. Энэ шийдвэр бартаатай боловч үр өгөөжтэй зөв шийдвэр юм.
Герман хэлэнд "Not macht erfinderisch" гэдэг зүйр үг бий. Ойролцоогоор орчуулбал "хэцүү хүнд нөхцөл хүнийг бүтээлч, шинээр сэтгэгч болгодог". Германчууд энергийн асуудалаа шийдэж, техникийн хувьд хүн төрөлхтөний цаашдын явах зөв зүгийг зааж өгөх байх гэж найднам.

Франц улс нь 50 гаруй АЦС-тай бөгөөд эрчим хүчнийхээ 80 гаруй хувийг уг станцуудаараа хангадаг. Францд болж буй эсэргүүцэлийн жагсаалуудад Германчууд ихээр оролцож буй гэсэн мэдээ аль дээр уншсан юм. Цацраг идэвхит туяанд хил гааль гэж ямар байх биш.

Бид бүхэн бас Хятадад болон Оросын Сибирьт АЦС барих, цацраг идэвхит хаягдал булахыг тууштай эсэргүүцэх хэрэгтэй.
(Миний бичсэн зүйлд буруу зөрүү мэдээлэл байхыг үгүйсгэхгүй тул та өөрөө холбогдох мэдээлэлийг олж уншина уу)

Германчууд АЦС-ын эсрэг жагсч байна. Зурагийг эндээс харна уу
http://www.spiegel.de/fotostrecke/fotostrecke-65654.html

Ямар гээч үйлийн үр вэ? Японы зарим нутагаар үерлэжээ

2011-05-11T23:41:00.000+02:00

Японд байгалийн гамшиг, цөмийн осол болсоноос хойш би үе үе л байдал ямар байна хэмээн энд тэндэхийн мэдээ харж байгаа. Монголд маань радио актив бодисууд Японоос орж ирж л байгаа. Энэ талаар Эрүүл мэндийн яам, Цөмийн энергийн газар гээд санаа зовж байгаа болов уу? Хэмжилт хийж байна уу?

Өөр зүйл бичих гэсэн юм. Цунами, газар хөдлөлт, цөмийн осолд нэрвэгдсэн Фукушима мужийн хөрш муж Мияагигийн Ишиномаки хотод үер болж байгаа юм байна. Япончуудын ямар гээч үйлийнх нь үр вэ? Одоо нөгөө далайруу цутгасан цацраг идэвхит бодистой ус нь эргээд японы аралруу урсаад ороод ирлээ шүү дээ. Даанч хэлэх үг алга даа.
Хэрэв АЦС-гүй байсан бол "Японд үер боллоо, газар хөдөллөө" гээд л мэдээ гараад өнгөрөх байлаа.
Үүнээс гадна Японд Атомын цахилгаан станцын эсрэг жагсаал цуглаан эрчимжиж байгаа ажээ. Яаралтай цөмийн эрчим хүчнээс салж, Герман улс шиг сэргээгдэх эрчим хүчрүү эргэлт буцалтгүй орохыг засагийн газараасаа шаардах болсон байна. Германчууд Фукушимагийн осол гарсаны маргаашнаас АЦС-ыг эсэргүүцэх жагсаал хийж эхэлсэн. Гэтэл Япончууд яагаад ийм хожуу хөдлөв? Олон давхар гамшигт өртсөн Япончуудын сэтгэлгээг ойлгох хэрэгтэй байх. Хүлцэнгүй, номхоноос гадна ах захаа хүндэлээд, элдэв ёсондоо баригдаад жагсаал цуглаан, тэмцэл хийж чаддаггүй байх?

Фукушима АЦС-аас ирж буй хамагийн сүүлчийн мэдээ гэвэл №3 реакторт цооролт үүсч цацраг идэвхит бодис их хэмжээгээр алдагдаж буйг ТЕПКО компани өнөөдөр (2011.5.11) мэдэгджээ. Цези (Caesium, Cs) бодис байх ёстой хэмжээнээсээ 620,000 дахин ихсээд буй юм байна. Уг бодис хүний биед удаан тогтдоггүй ч ургамал, мөөгөнд хуримтлагддаг байна. Мэдээж тэр ургамалыг нь хүмүүс эргээд иднэ. Тиймээс бас л аюултай.

Газар хөдлөлтүүд Японд арай намжсан ч өнөөдөр л гэхэд М4,9, M 5,0 хэмжээтэй газар хөдөлжээ. Тиймээс япон аралын яг гүнд орших Хамаока (Hamaoka) АЦС-ыг унтраалаа. Аюулгүй байдалыг бодож, бүрэн ажиллагаатай байгаа станцаа унтраажээ.

Мияагид болж буй үерийг тухай эндээс уншина уу (англиар)
http://www.signonsandiego.com/news/2011/may/09/quake-shifted-japan-towns-now-flood-at-high-tide/
Японд болж буй АЦС-ыг эсэргүүцсэн жагсаалын зурагийг эндээс (германаар)
http://www.spiegel.de/fotostrecke/fotostrecke-67231.html
Цези 620,000 дахин их хэмжээтэй (англиар)
http://enenews.com/reactor-3-damaged-fukushima-nuclear-power-station-leaking-tepco-cesium-620000-times-above-limit

Хэн монгол газар шорооны эзэн бэ?

2011-05-10T13:34:00.002+02:00

Дээрх асуултын хариу бол доорх зураг юм. (Зураг дээр даран томруулж харна уу)эх сурвалж:
http://golomt.org/pictures/

Монголыг цөмийн хаягдалын хогийн цэг болгох гэсэн эрх мэдэлтэнүүдийн төлөвлөгөө

2011-05-10T13:26:00.003+02:00

Эх сурвалж: http://golomt.org/2011/05/09/hayagdalunen/#more-1147

Бичсэн: Амарлин

Монгол улсын маань ирээдүйд маш ноцтой аюул заналхийлж байгаа энэ үед хүмүүсийг ХУУРАН МЭХЛЭХ, ТАРХИ УГААХ зохион байгуулалттай үйл ажиллагаа явагдаж байгаад сэтгэл зовнисны үүднээс үүнийг бичиж байна.

Монгол улсад ЦӨМИЙН ХАЯГДАЛ булшилна гэдгийг өнгөрөгч 3 сард АНУ-д болсон олон улсын хурал дээр Америкийн Эрчим хүчний яамны хэлтсийн дарга нэр хүнд бүхий ноёнтон мэдэгдсэнийг хэвлэл мэдээлллийн хэд хэдэн сувгуудаар цацсан боловч Монголын Засгийн газар (Цөмийн энергийн газар) болон зарим нэг нэр хүнд бүхий албатнууд (О. Чулуунбат, ГХЯ-ныхан, Чадраа) үгүйсгээд өнгөрсөн билээ.

Тэд ингэж ард түмнээ хууран мэхлээд зогсохгүй цөмийн хаягдлыг хал балгүй ХОРГҮЙ зүйл гэж итгүүлэхийг эрээ цээргүйгээр оролдсоор, АЦС барихыг аюулгүй хэмээн сурталчилcaap байна. Улс төрчид монголчуудынxaa гадаад хэлний мэдлэг дутмаг, цөмийн физик, химийн талаар хангалтгүй сайн мэддэг зэргийг далимдуулан гадны албаны хүмүүс, дипломат ажилтнуудыг эгээтэй л өөрсдтэйгээ ижил амандаа орсон мэдэх мэдэхгүй зүйлээ бурж байдаг мэтээр ойлгуулахыг хичээж, мөн нэр хүнд бүхий NTI мэдээллийн байгууллагын нэр хүндийг унагаах, цацагдсан мэдээллийг үгүйсгэх ичгүүргүй оролдлогуудыг удаа дараа хийсэн.

Гэвч даравч дардайна, булавч бултайна гэгчээр Монголд цөмийн хаягдал булшлах тухай мэдээлэл ҮНЭН гэдэг нь олон баримтаар нотлогдож байгаа:

1) Олон улсын нэр хүндтэй хурлын аудио бичлэг болон хурлын ярианы протоколыг хурлыг зохион байгуулсан Карнеги сангийн сайт дээр бэлэн байна.

http://carnegieendowment.org/events/?fa=viewSubEvent&id=43479

http://newmediamanager2.net/popup/1518

2) Тэр хуралд суусан, асуулт тавьсан хүмүүс (Jeffrey Lewis) өөрсдийн сайт дээр Монголд цөмийн хаягдал булшлах тухай ярьсаныг батлан бичсэн байна. http://lewis.armscontrolwonk.com/archive/3863/mongolia

3) АНУ-ын эрчим хүчний яамны хэлтсийн дарга Ричард Стратфордын хэлсэн зүйлүүд батлагдаж байна. Тухайлбал, өнгөрсөн намраас энэ талаар ярилцаж эхэлсэн гэдэг нь АНУ-ын Эрчим хүчний Яамны дэд сайд Даниел Понеманы 10 сард Монголд хийсэн айлчлалыг хэлж байгаа. http://www.mfat.gov.mn/index.php?option=com_content&view=article&id=519:2010-09-22-08-37-16&Itemid=63&lang=mn

УИХ-ын гишүүн П.Алтангэрэл, УИХ-ын гишүүн Ц.Батбаяр, “Монатом” компаний захирал Р. Бадамдамдин нар 2010 оны 11 сард Вашингтон DC явж АНУ-ын Эрчим хүчний яамныхантай энэ талаар ярилцсан байна.
http://www.vip76.mn/altangerelpg/onclox-medee/18462-uix-yn-gishuun-paltangerel-cbatbayar-nar-vashingtond-ochij-comiin-erchim-xuchnii-salbaryn-turshlagaas-sudlajee-.html?tmpl=component

4) Мэдээллийг цацсан NTI –Nuclear Threat Initiative (Global Security Newswire) байгууллагыг нэр хүндийг унагаах гэсэн удаа дараа оролдлого хийсэн. Гэтэл түүний ТУЗ-ын дарга нь тэрбумтан, СNN-ийг үндэслэгч Тэд Тернер, бусад гишүүд нь НҮБ-ын зөвлөх Nafis Sadik, тэрбумтан, өглөгийн эзэн Warren Buffett, Нобелийн шагналт Харвардын профессор эдийн засагч Amartya Sen гээд нэр хүндтэй олон гишүүд байна. Тэд тийм үл бүтэх хүмүүстэй холбогдож, худал мэдээлэл цацаж суух хүмүүс биш ээ.
http://www.nti.org/b_aboutnti/b1_board.html

5) Энэ мэдээлэл үнэн байсныг баталсан нийтлэл Японы Майничи сонинд 2011 оны 5 сарын 9-нд гарчээ. http://headlines.yahoo.co.jp/hl?a=20110509-00000001-maip-soci
Энэ мэдээллийг Google Translate ашиглан орчуулж үзээрэй. Мөн энд маш товч англиар байна. http://www.unuudur.com/?p=15197

Mэдээнд гадныхан Монголд атомын цахилгаан станц барьж өгсөн нэрээр (өөрөөр хэлбэл технологио хуваалцсаны хариуд) хаягдлаа Монголд булах тухай гэрээ хийгдэж гарын үсэг зурахад бэлэн болсон тухай яригдаж байна.

6) Тэгээд ч энэ бол цөмийн хаягдал булшилж асар их мөнгө хармаалах гэсэн анхны оролдлого бус гэдгийг баталсан сурвалжууд байна (2004 оны Тайваний сонин, судлаач Ганхуяг болон УИХ-ын гишүүн Д. Энхбатын ярилцлага)–дороос үзнэ үү? Мөн golomt.org дээр тавьсан материалаас үзэж болно.

http://tsahimurtuu.mn/main/20040601306.htm
http://gankhuyag.wordpress.com/2011/04/02/hjdhei/
http://enkhbatd.wordpress.com/2009/07/10/авлигад-идэгдсэн-засаг-төр-ураны-бизн/

Дэлхий нийтээрээ энэ талаар бичиж шуугиж байхад Монголчууд бид “энэ бүхэн худал” гэсэн төр засгийнхаа үгэнд итгээд суугаад байx yy? Чин үнэндээ бол эрх баригчид Монголын ард түмнийг дэндүү басамжилж, дорд үзэж худал мэдээллээр тархийг нь угааж хуурч болно гэж үзэж байгаад дургүй хүрч байна. Интернэт гэгч хөгжсөн, Монголчууд бид цөөхөн ч хэдий гадна дотногүй өндөр боловсрол эзэмших болсон өнөө үед ард олноо ингэж басамжлах нь биднийг аанай л нөгөө хөмөрсөн тогоондоо харанхуй бүдүүлгээрээ байгаа гэж эндүүрсний шинж бололтой.

Ард олны тархийг зад угааж буй тэр хүмүүс хэн бэ? Тэд хэний эрх ашигт үйлчилж байна вэ?

Гадаад Хэргийн сайд Г. Занданшатар

Тусгай үүрэг гүйцэтгэгч Элчин сайд А. Ундраа (АНУ-д сургууль төгссөн ураны мэргэжилтэн)

УИХ-ын гишүүн О. Чулуунбат

УИХ-ын гишүүн П. Алтангэрэл

УИХ-ын гишүүн Р. Бадамдамдин (МонАтом компаний захирал)

УИХ-ын гишүүн Ц. Батбаяр

академич Чадраа нар орж байна

Энэ жагсаалт цаашид нэмэгдэх төлөвтэй байна.

Харамсалтай нь манай зарим сэтгүүлчид сенсаци хэт хөөцөлдсөнөөс ч тэр үү эсвэл тодорхой ашиг сонирхолд үйлчилдэг болоод ч тэр үү асуудлын голыг олохгүй буруу зөрүү зүйл бичиж улмаар чухал асуудлын ач холбогдол, нэр хүндийг унагаах, ард түмнийг төөрөгдүүлэх явдал цөөнгүй болжээ.

ОХУ-ын төрийн өмчийн “РосAтом” корпораци өмнө нь яг ийм байдлаар ард түмнээ хуураад нутагтаа цөмийн хаягдал олон жилээр булсан түүхтэй. Манай албан тушаалтнууд Орос ах нараасаа огтхон ч дээрдэхгүй, нэг тэрэгний 2 дугуй гэдэг нь тодорхой байна. Манайхан ч бас дутахгүй гэдгээ үзүүлэх гээд “МонАтом” гэгч төрийн компани байгуулчихаад булшилчих цөмийн хаягдал хайгаад “давхиж “явна.

Энэ талаар бүтэн сар шахуу судалж бичсэн 100 орчим хуудас бичиг баримтыг golomt.org дээр цувралаар нийтэлж байна.

Сонирхож үзээрэй.

Хүндэтгэсэн,
Амарлин

Цөмийн хаягдалыг Говь-Сүмбэр аймагт булах төлөвлөгөө

2011-05-09T14:13:00.006+02:00

Доорх хүн зарим нэр томъёог буруу орчуулсан байна. Жишээ нь цөмийн хаягдалыг устгах гэжээ. Одоо хүртэл цөмийн хаягдал түлшүүдийг устгах аргыг хүн төрөлхтөн олоогүй байна. Тэгсэн ч уншихад илүүдэхгүй хэмээн блогтоо чирээд ирлээ.

эх сурвалж:
www.orloo.com

Цөмийн хаягдал устгах байгууламж - Монгол дахь төлөвлөгөө......

Япон Америк, өнгөрсөн намраас эхэлсэн хэлэлцээр

Майничи сонин 5 сарын 9 өдөр (Даваа)

Японы Эдийн Засаг, Худалдаа Үйлдвэрийн Яам (Ministry of Economy, Trade and Industry), Америкийн Нэгдсэн Улсын Эрчим Хүчний Яамтай хамтарч өнгөрсөн оны намраас эхлэн хэрэглэж дууссан цөмийн түлшний хаягдлыг агуулах, устгах зориулалттай Олон Улсын хэмжээний байгууламжийг дэлхийд анх удаа Монгол улсад барих төлөвлөгөөг нууцаар хэлэлцэж байсан нь тодорхой болжээ.
Ийм зориулалтын устгах байгууламж дотооддоо байдаггүй Америк, Япон улсуудын хувьд атомын реактор, түүний хог хаягдлыг устгах байгууламжтай нь иж бүрдэл байдлаар олон улсад зарж борлуулдаг Орос, Франц зэрэг орнуудтай энэ салбарт өрсөлдөх явдал нь гол зорилго байсан бололтой.
Монгол улс үүний хариу болгож Америк, Япон улсуудаас цөмийн эрчим хүчний технологийн дэмжлэг туслалцаа авах бололтой.
Гэвч, Японы Зүүн хойд бүсэд учирсан газар хөдлөлтийн гамшгийн үед Токио эрчим хүчний Фүкүшима нэгдүгээр станцад гарсан цөмийн ослын улмаас Японы засгийн газар цөмийн эрчим хүчний төрийн бодлогоо үндсээр нь өөрчлөх шаардлага тулгараад байгаа бөгөөд “цөмийн хог хаягдлаа” гуравдагч оронд үүрүүлэх бодлого нь эсэргүүцэлтэй тулгарч мэдэхээр байна.
(Товлосон газрын эхний хувилбар нь Говь-Сүмбэр аймгийн Баяндэл сум, хоёрдахь болон гуравдахь хувилбар нь Баянжаргалан, Дархан сумд)

Дээрх 3 улсын уг хэлэлцээрийг хариуцаж байсан эрх бүхий хүмүүс Майничи сонингын сурвалжлагад ийм төлөлвлөгөө байсан гэдгийг хүлээн зөвшөөрчээ.
Холбогдох хүмүүсийн яриагаар, дээрх 3 улсын хэлэлцээр өнгөрсөн оны 9 сарын сүүлчээр, АНУын Эрчим хүчний яамны орлогч Daniel B.Poneman удирдлага дор эхэлсэн бөгөөд Японы Эдийн засаг Худалаа Үйлдвэрийн яам (ЭЗХҮЯ), Монголын Гадаад явдлын яамд тус тусын улсаа төлөөлж оролцжээ. Цөмийн хаягдлыг өөрийн газар нутагтаа байршуулах талаар шийдэлд хүрч чадахгүй байгаа Япон, Америк улсууд, гадаадын техник технологын тусламжаар цөмийн түлш боловсруулах байгууламж, атомын эрчим хүчний байгууламжтай болох туйлын хүсэлтэй байгаа Монгол улсуудын далд санаа нь ийнхүү нэгдэж орхижээ.
Цөмийн эрчим хүч нь цаг уурын өөрчлөлтөөс сэргийлэх маш үр дүнтэй арга хэмээн үзэгдэж, нэг цөмийн ректор нь гэхэд хэдэн мянган тэрбумын үнэд хүрэх томоохон бизнес болдог. Японы засгийн газар цөмийн цахилгаан станцаа гадны орнуудад экспортлох явдлыг улсынхаа эдийн засгийн өсөлтйин урт хугацааны стратегийн нэг бодлого гэж үзэж байгаа бөгөөд, Ветнам улсад нийлүүлэх гэрээ нь амжилттай болж, одоо Энэтхэг, Турк улсуудтай зөвшилцөл хийж байна. Гэвч Орос зэрэг орнууд атомын цахилгаан станцыг хэрэглэсэн цөмийн хаягдал хүлээн авах байгууламжтай нь иж бүрдлээр нь борлуулж байгаа бөгөөд, Япон Америк энэ тал дээр таагүй нөхцөл байдалд байгаа юм.
Япон улсын хувьд цөмийн хаягдлаа дахин боловсруулах ажиллагааг Англи, Франц зэрэг улсуудад даатгаж орхисон байдаг бөгөөд дахин боловсруулах байгууламж барихаар яаравчилж буй. Хэдийгээр өөрийн орны Аомори мужийн Рокка тосгонд түр хугацаагаар өндөр хэмжээний цацраг бүхий хаягдлыг байршуулах байгууламжтай боловч бусад оронд нийлүүлсэн цөмийн хаягдлыг хүлээн авах асуудал туйлын хүндрэлтэй гэж үзэж байгаа юм. 2035 оныг хүртэл дотооддоо эцсийн устгал хийх байгууламж барих газраа сонгох төлөвлөгөө нь ч бүтэлгүй болох магадлалтай байна. 　
АНУ-ын өмнөх Бушийн Засгийн газар 2002 онд Небада мужид эцсийн устгал хийх байгууламж барих газар сонгосон боловч орон нутгийн хүчтэй эсэргүүцэлтэй тулгарч 2009 онд Обамагийн Засгийн газар энэх төлөвлөгөөгөө зогсоох шийдвэрт хүрсэн билээ. Ингээд хэрэглэсэн цөмийн хаягдалаа устгах асуудал нь замхархад хүрч орхижээ.
Иймээс Япон Америк хоёр улс, цөмийн хаягдлын асуудлаа шийдэх, олон улс дахь цөмийн эрчим хүчний борлуулалтын сул талаа нөхөх үүднээс, газрын хатуулаг хөрстэй Монголд цөмийн хаягдлаа хадгалах, устгах байгууламж барих асуудал дээр нэгджээ. Энэ байгууламж газрын гүнд хэдэн зуун метрийн доор байх юм гэнэ. Японы ЭЗХҮ–ийн яам энэ төлөвлөгөөгөө хэрэгжүүлснээр цөмийн ректорийн гол үйлдвэрлэгч болох Тошиба, Хитачи зэрэг үйлдвэрүүдийнхээ олон улс дахь цөмийн энергийн бизнест дэмжлэг үзүүлж чадна гэж үзэж байгаа юм байна.
Мөн Олон Улсын Атомын Энергийн Агентлагийн байгууллага болох IAEA　(International Atomic Energy Agency)　нь “Монгол улс бол Ураны газар доорхи нөөц нь 150 сая тонноос их байх магадлалтай гэж тэмдэглэж байгаа бөгөөд олборлолт явагдаж эхэлбэл дэлхийд уран нийлүүлэлтээрээ эхний гуравт багтах боломж маш өндөр. Япон Америк улсууд энэ төлөвлөгөөгөө хэрэгжүүлснээр ураны түлшний тогтвортой хангалтын асуудлаа ч бас шийдчих санаархалтай байна.
Цөмийн хаягдал бодисын олон улсын тээвэрлэлт нь дамжин өнгөрөх орон болоод хүлээн авах орны зөвшөөрөл, үүн дээр олон улсын байгууллагаас гаргасан тээвэрлэлтийн горимыг мөрдөж чадвал боломжтой болдог. Гэвч, дээрх 3 орны төлөвлөгөө нь хэлэлцээрийн шатандаа нийтэд ил болж орхивол дамжин өнгөрөх улс болох Хятад, Орос улсуудтай хэл амаа олоцох, монголын дотоод дахь нийгмийн эсэргүүцэлтэй тулгарч болзошгүй байгаа учраас хэлэлцээр маш нууц байдалд явагдажээ.
Гэвч энэ оны 2 сард, Вашингтонд дээрх 3 орон олон талт гадаад харилцааны баримтад гарын үсэг зуралцах төлөвлөгөөтэй байсан боловч энэ мэдээллийг гарын үсэг зурах хугацааны дөнгөж өмнө нь хүлээн авсан Японы Гадаад явдлын яам “ Засгийн газар дотроо зохицуулалт хийж амжихгүй байна “ гэж эсэргүүцжээ. Энэ асуудалд Японы ЭЗХҮ-ийн яам голлох үүрэг гүйцэтгэж байсан нь гадаад явдлын яамандаа таалагдаагүйн улмаас гарын үсэг зурах ажиллагаа хойшлогджээ. Түүний хойш, Японы Зүүн хойд бүс нутагт хүчтэй газар хөдлөлт болж, гарын үсэг зуралцах өдөр одоо хүртэл шийдэгдээгүй байгаа бололтой.
Япон улс газар хөдлөлтийн гамшгаас үүдэн цөмийн эрчим хүчний бодлогоо дахин эргэн харах шаардлага тулгараад байгаа бөгөөд улс доторх бүх атомын станцуудаа зогсоож үгүй болголоо ч түүний хаягдлыг устгах байгууламж зайлшгүй хэрэгтэй байх болно. Хэдийгээр тийм ч, техник технолгийн туслалцаа үзүүлсэний хариуд цөмийн хог хаягдлаа хамтад нь өгөх арга нь одоогийн Фүкүшима зэрэг нутгуудад атомын цахилгаан станц барихын тулд цахилгааны гурван хуулийн дагуу төсвөөс татаас олгож, бүс нутгийг хөгжүүлэх бодлогыг хамтад нь хэрэгжүүлсэнтэй нэгэн ижил санаа гэж хэлэхээр байна.

Монголд АЦС, радио актив хаягдал хэрэгтэй юу? ХЭРЭГГҮЙ

2011-05-09T12:27:00.008+02:00

Фукушимагийн осолоос монголчууд ялангуяа төрийн өмчит МонАтом компани, Цөмийн Энергийн Газарын хүмүүс ямар ч сургамж авсангүй. Эдгээр хүмүүст бидний эрүүл мэнд огт сонин бус. Зөвхөн газарын баялагаа зарж, бусадын хог хаягдалаас яаж мөнгө олох вэ гэдэг л чухал.

Ройтерс агентлагийн мэдээлсэнээр Америк, Японы АЦС-аас гарч буй радио актив хог хаягдалыг Монголд байршуулах талаар МонАтом компанитай 3 сарын 11-ны өмнөхөн албан бусаар ярилцжээ.
Үүнээс гадна 2020 онд Монголд Атомын цахилгаан станц барих зорилготой ажээ.

Монголд байсан бол үүнийг эсэргүүцэж Сүхбаатарын талбай дээр жагсмаар байна.

ТА БҮХЭН ӨӨРИЙН БОЛОН ҮР ХҮҮХЭД, ИРЭЭДҮЙ ХОЙЧИЙНХОО САЙН САЙХАНЫГ БОДДОГ БОЛ мөнгөний төлөө нүдээ ухаж өгөхөөс буцахгүй МонАтом, Цөмийн Энергийн Газарынханыг ЭСЭРГҮҮЦЭХИЙГ УРИАЛЖ БАЙНА.

эх сурвалж:
http://world.news.mn/content/65962.shtml

Монголд цөмийн хаягдал байршуулахаар ярилцжээ
Ройтер агентлагийн Токио дахь сурвалжлагчийн мэдээлснээр бол Япон болон АНУ хамтран Монгол улсад цөмийн түлшний хаягдал байршуулах байгууламжийг бий болгохоор төлөвлөж байгаа аж. Энэ талаар японы өдөр тутмын Майничи сонин дээр гарсан мэдээллээс эх сурвалжийг нь авсан гэнэ. Японы худалдааны яамны төлөөлөл японы өдөр тутмын сонинд албан ёсоор мэдэгдэхдээ АНУ,Япон болон Монголын төлөөлөгчид энэ оны 3-р сарын 11-д Японд болсон газар хөдлөлтийн өмнөхөн хийсэн уулзалтын үеэр энэ асуудлыг албан бус байдлаар ярилцсан гэж хариулсан байна. Тэгэхдээ цөмийн эрчим хүчийг ашиглаж байгаа ч цөмийн түлшний хаягдлыг хадгалах агуулах барихад хөрөнгө зарцуулах хүсэлгүй байгаа улс орнуудын цөмийн түлшний хаягдлын агуулахыг Монголд барих талаар харилцан санал солилцжээ.

Энэ мэдээллийг өгсөн албаны төлөөлөл хэлэлцэгч талуудад одоогоор тодорхой төлөвлөгөө байхгүй ч хэрэв Монголын тал сонирхвол Японы холбогдох салбарын зүгээс анхаарах болно гэж хэлсэн байна. Майничи сонинд мэдээлснээс үзэхэд хэрэв ийм цөмийн хаягдлын агуулах баригдвал Женерал Электрик, Хитачи болон Тошиба зэрэг АНУ болон Японы томоохон цөмийн түлшний хаягдал “экспортлогчид” хөрөнгө оруулан дэмжих боломжтой бөгөөд ингэснээрээ дээрхи сонирхогч талуудад цөмийн хаягдлыг нь хадгалах санал тавиад байгаа Оросын талтай боломжийн өрсөлдөөн үүсгэх болно гэж найдаж байгаа юм байна. Тэгэхдээ Японы худалдааны яамны төлөөлөгч өнгөрсөн 2-р сард АНУ,Япон болон Монгол гурван улсын төлөөлөгч нар Монголд цөмийн түлшний хаягдплыг хадгалах талаар төлөвлөгөө боловсруулан баталж гарын үсэг зурсан гэх японы хэвлэлийн мэдээллийг албан ёсоор няцаажээ. Гэвч энэ асуудал нь Японы гадаад хэргийн яамны хүсэлтээр хойшлогдсон бөгөөд японы тал холбогдох яамдын саналыг бүрэн аваагүй тул цаг хугацааг нь хойшлуулахыг хүссэнээс биелэгдээгүй аж. Харин үүний дараахан өнгөрөгч 3-р сард Японы Фукушимагийн АЦС-ын реактор газар хөдлөлтөөс болж дэлбэрэн осол гарснаас хойш энэ асуудлыг хэлэлцэх талаар шинэ тов тогтоогоогүй байна гэж Японы Худалдааны яамны төлөөлөлгч Майничи сонинд ярилцлага өгсөн гэнэ. Мөн энэ сонинд дурдахдаа монголын төрийн өмчит Мон Атом компанийн дээгүүр албан тушаалтан хэлэхдээ саяхан Японд болсон Фукушимагийн ослоос үл хамааран Монгол улс өөрийн ураны баялаг нөөц дээр тулгуурлаж 2020 он гэхэд цөмйин эрчим хүчний анхны станцтай болно гэж хэлсэн гэжээ.

эх сурвалж:
http://www.reuters.com/article/2011/05/09/energy-nuclear-mongolia-idUSL3E7G80HD20110509

Japan, U.S. plan nuclear waste storage in Mongolia
May 9 (Reuters)
Japan and the United States plan to jointly build a spent nuclear fuel storage facility in Mongolia to serve customers of their nuclear plant exporters, pushing ahead despite Japan's prolonged nuclear crisis, the Mainichi daily said on Monday. A Trade Ministry official said Japan, U.S. and Mongolia officials, at a meeting shortly before Japan's March 11 earthquake, informally discussed possible construction of a nuclear waste storage facility for countries with nuclear power plants but no spent fuel storage capability of their own.He said there were no concrete plans at this time but the ministry would consider such a project if Mongolia were interested. The Mainichi said the facility would allow Japanese and U.S. nuclear plant exporters, which include joint ventures and units of General Electric , Hitachi and Toshiba , to better compete with Russian rivals that offer potential nuclear plant customers spent fuel disposal in a package. Mongolia plans to have its first nuclear power plant by 2020 and to build nuclear fuel production capacity to tap its rich uranium resources, undeterred by the crisis at Japan's Fukushima nuclear power complex, a senior official at the state-owned MonAtom LLC said in April. MonAtom represents the Mongolian government in mining and developing the country's uranium resources. The trade ministry official denied the Mainichi's report that the three countries had originally planned to sign a deal on the spent fuel disposal project in February but it was postponed as Japan's Foreign Ministry opposed the schedule, citing a lack of consensus among Japanese ministries. The Mainichi said a new date had not been set in the wake of the March 11 earthquake and tsunami in northeast Japan, which triggered cooling system malfunctions at Tokyo Electric Power Co's Fukushima Daiichi nuclear plant and led to radiation leaks into the atmosphere and the sea.

А.Ундраа = Магтсан хүүхэн хуриман дээрээ...

2011-05-09T00:55:00.020+02:00

Саяхан А. Ундраа гэдэг хүний ярилцлагын эхний хэдэн хариултыг уншлаа. Уншаад л блогтоо өөрийн дургүйцэлээ илэрхийлэхгүй бол болохгүй нь ээ!

Энэ хүний өөр нэг видеон-ярилцлагыг хэдэн жилийн өмнө үзсэн юм. Тухайн үед Стэнфордын их сургуульд зочин профессор хэмээн ярилцсан байв. Олон улсын цөмийн аюулгүй байдал, урааны хэрэглээ, бодлого талаар судалгаа хийдэг аж. Видеоны доор бичсэн сэтгэгдэлүүдийг уншаад би тэр үед их гайхширсан шүү. Ихэнх хүмүүс энэ судлаачийг Стэнфордын их сургуульд багшилдаг болохоор нь тэнгэр тултал магтаад, сайн хүн, дэлхийд данстай эрдэмтэн гээд л бичиж гарсан байв.

Манайхан өнгө мөнгөнд хууртагдана гэж тун амархан. Стэнфорд ч юм уу, алдартай сургуульд багшилдаг болохоороо л сайн хүн, ухаантай хүн, зөв бодолтой хүн гэсэн үг биш шүү дээ.

Одоо тэдгээр магтсан, биширсэн хүмүүс А.Ундраа гэдэг судлаачийн доорх ярилцлагыг уншаад юу гэх бол?

Магтсан хүүхэн хуриман дээрээ унгана гэгч болж байна.

Тэрбээр их өндөр албан тушаал хариуцдаг юм байна: Гадаад харилцааны яаманд цөмийн эрчим хүчиний салбарын тусгай үүрэг гүйцэтгэгч элчин сайд буюу монголын эрх ашигийг дэлхийн хэмжээнд төлөөлөх хүн юм.

Ярилцлагаас нь харахад Монголчуудын төлөө санаа зовсон шинж лав харагдсангүй. Монголд атомын цахилгаан станц барихыг идэвхитэй дэмжих бодлого баримталдаг хүн ажээ.

Фукушимагийн осолын дараахан ярьсан бололтой.
Жинхэнэ эрдэмтэн хүн лав миний хувьд иймэрхүү хариултууд өгөхгүй байлаа.
Стэнфордын их сургуульд харин тархиа зад угаалгачихсан юм биш үү, энэ эмэгтэй???
Доорх асуултуудад тэрбээр ийн хариулсан байх юм:

эх сурвалж:
http://www.dailynews.mn/?vfile=7&vmet_id=17846&vmet_main=6253&vt=&vl=&vdate=&vofile=&left=yes&vpage=

-Атомын цахилгаан станц дэлбэрлээ гэдэг мэдээлэлд монголчууд ихэд түгшиж байна. Та тэнд үүссэн нөхцөл байдлын талаар мэргэжлийн хүний хувьд бодит мэдээллийг хүргэхгүй юу?
-Японд үүссэн нөхцөл байдлыг хэт дэвэргэж хүлээн авч байгаа хандлага ажиглагдаж байна. Японы Засгийн газрын зүгээс ард түмэндээ хандаж бодитой мэдээллийг хүргэж байгаа гэдэг үүднээс тэндээс иш татаж ярих нь зүйтэй болов уу. Цунами, газар хөдлөлтөөс шалтгаалж Японы Фукишимагийн цахилгаан станцад осол гарсан. (...) Ослын хувьд маш хүнд том осол биш. Дунд зэргийн осол гэж олон улсын байгууллагаас дүгнэсэн байна.

-Дэлбэрэлтээс үүдэж агаарт тархах хорт туяа хүмүүст хэр нөлөөлөлтэй вэ. Лав 160 хүн хордсон байх магадлалтай гэж мэдээлэгдэж байна?
-Цахилгаан станцын эргэн тойронд 20 км доторх 200 мянга орчим иргэдийг нүүлгэн шилжүүлсэн. Тэнд оршин суугаа иргэдэд хэрхэн нөлөөлөх вэ гэдгийг одоо дүгнэхэд эрт байна. Урьдчилсан байдлаар хэлж байгаагаар ноцтой нөлөөлөл байхгүй. Тайван байхыг зөвлөж байгаа юм билээ. Хэмжилт хийж иргэдийг нүүлгэн шилжүүлэх явцад 160 хүн биедээ туяаны цацраг авсан гэсэн мэдээлэл өгч байна. (...)
-Цөмийн салбарт Япон тэргүүлэгч орны нэг. Тэнд нийт хичнээн атомын цахилгаан станц байна вэ. Цаашид газар хөдлөлтөөс болж нэмж дэлбэрэх аюул үүсэхгүй гэх баталгаа бий юу? -Япон улс газар хөдлөлтийн идэвхтэй бүсэд байрладаг. Атомын төрлийн технологиор Япон дэлхийд тэргүүлдэг. Тэнд 55 цахилгаан станц барихдаа газар хөдлөлтийн чичирхийлэлтэд тэсвэртэй байхаар инженерийн зориулалтыг гаргасан. Цунами болон газар хөдлөлтөд Япон улс тулдаа аюул багатай өнгөрч чадсан гэж бодож байна. Ахиад газар хөдөлж эрсдэл үүслээ гэхэд цахилгаан станцууд нь шууд автоматаар унтрах боломжтой. (...)

-Японд болсон цунами зөвхөн нэг улс орны асуудал биш болох нь мэдээж. Гамшиг болсонтой холбогдуулан дэлхийн бусад улс оронд ямар нөхцөл байдал үүсч байна вэ? -Цөмийн аюулгүйн ажиллагаа, энх тайвны асуудалтай холбоотой учраас энэ салбар олон нийтийн анхаарлын төвд байхаас аргагүй. Цөмийн эрчим хүч найдвартай эрчим хүчний эх үүсвэр болж чадаж байна. Үйлдвэрийг хөгжүүлэх суурь болж байна. Хэрвээ аюулгүйн ажиллагааг бүрэн дүүрэн хангаж чадахгүй жолоодлогогүй болбол араасаа асар их хохирол учруулахаар юм. Хаа нэг газар болж байгаа осол их, багаасаа үл хамааран салбартаа бүхэлдээ нөлөөлдөг. Цөмийн салбар хөгжиж эхэлсэн 50-60 жилийн хугацаанд хуруу дарам цөөн осол болсон боловч тэр осол тухайн орны төдийгүй дэлхий нийтийн ард иргэдийн сэтгэл зүйд шууд нөлөөлдөг талтай. (...)
-Манай улс атомын цахилгаан станц барих чиглэлээ батлан гаргасан. Энэ ажил ямар шатандаа явна вэ? -2021 онд цахилгаан станцтай болно гэсэн чиглэлтэйгээр ажиллаж байгаа. Урьдчилсан судалгаа төдийгүй иж бүрэн судалгаа хийх хэрэгтэй. Цахилгаан станцыг аюулгүй найдвартай ажиллуулдаг боловсон хүчин, аюулгүйн ажиллагааны горим журмыг мөрддөг орчин бүрдүүлж байж барих нь зүйтэй. Япон улсын түвшинд хийхгүй л бол яаран орж болохгүй салбар. Одоогийн байдлаар нааштай алхмууд хийгдэж эхэлж байна.

Яагаад би энэ эрдэмтэнийг шүүмжилэх болов? Миний байр суурь бол доорх юм.

Японы засагийн газар ард иргэддээ бодит үнэн мэдээлэл өгсөн гэж цөмийн эрчим хүчний тусгай элчин А.Ундраа хэлжээ. Гэвч бодит байдал түүний хэлсэнээр биш байсаныг саяхан болсон явдал гэрчилнэ. Японы засагийн газарын цөмийн энерги хариуцсан зөвлөх Тошисо Косако (Toshiso Kosako) 4 сарын сүүлээр хэвлэлийн бага хурал хийлгэн ажилаасаа өөрийн хүсэлтээр халагдаж байгаагаа мэдэгдсэн билээ. Тэрбээр японы засагийн газар иргэдэд үнэн зөв мэдээлэл өгөхгүй байгааг буруутгаж, мөн зөвхөн цагийг аргацаасан арга хэмжээ аван, Фукушимагийн АЦС-ын жинхэнэ осолыг багасгах ямар ч арга хэмжээ авахгүй байгааг хэлээд ажилаасаа халагдах өргөдөлөө өөрөө өгсөн бөлгөө. Түүний зөвлөгөө, хэлж ярьсаныг японы засагийг газар хэрэгжүүлэхгүй байгааг Тошисо Косако цохон тэмдэглэсэн. Хэвлэлийн бага хуралын үеэр тэрбээр асар ихээр уйлан сэтгэлийн цөхрөлөө илэрхийлэв. Тэгэхээр байдал ямар аюултай байгаа нь тодорхой биш гэж үү?эх сурвалж: http://www.spiegel.de/wissenschaft/mensch/0,1518,759906,00.html

А. Ундраа гуай Фукушимагийн осолыг хүнд осол биш гэжээ. Гэтэл уг атомын цахилгаан станцын дөрөвийн дөрвөн реактор нэгэн зэрэг сүйрэлийн байдалд орчихоод байхад яагаад хүнд осол биш гэдэг билээ? Тэрбээр мэдээлэлгүй байв уу? Хэрэв мэдээлэлгүй байгаа бол түүнийгээ хэлэх хэрэгтэй. Эрдэмтэн хүн гээд жирийн иргэд түүний үгийг маш анхааралтай сонсч буй шүү дээ! Чернобылын осолын үеэр НЭГ л реактор дэлбэрсэн. Японд харин ДӨРВӨН реакторт осол гарлаа.
А.Ундраа гуай хүн амьтанд атомын осол ноцтой нөлөөлөлхгүй гэжээ. Гэтэл ноцтойгоор барах уу! Хамагийн наад зах нь цацраг идэвхит туяанд хордоно. Элдэв янзын хавдарууд үүснэ.Бамбай булчирхайн хавдар үүснэ. Цусны хорт хавдартай болно. Гэдэс ходоод дотоод эрхтэн бүгд гэмтэнэ. Хамагийн аймшигтай нь бид бүхэний генд нөлөөлж өрөөл татанхай гажигтай тахир дутуу хүүхэд хорвоод мэндэлнэ. Монгол улс юун өсч үржих аажимаар мөхөлийн зүг явна. Ийм нөлөөтэй гэдэгийг одоо бол дэлхий даяар бүхий л хүмүүс мэдэж байх учиртай. Ялангуяа Ундраа гуай болон уг салбарын эрдэмтэд арван хуруунаасаа ч сайн мэдэж байгаа.
Газар хөдөлвөл АЦС-ууд автоматаар унтарна гэжээ. Нэг гол зүйлийг нь А.Ундраа гуай хэлсэнгүй. Автоматаар унтарсан ч хөргүүр систем цааш ажиллаж байх ёстой. Атомын шатсан түлшний савхуудыг хөргөхөд хүйтэн ус хэрэгтэй. Хөргүүр системийг ажилуулахад цахилгаан хэрэгтэй. Гэтэл Фукушимад хэдийгээр реактор унтарсан ч хөргүүр систем ажиллагаагүй болсоноос дэлбэрлтүүд болсон билээ. Фукушима АЦС-ын бүх цахилгаан хангалтын системүүд эвдэрсэн гэдэгийг бид мэдэж буй.
АЦС-ын цөмийн эрчим хүч найдвартай гэжээ. Гэтэл хүнд болон амьтай голтой бусад бүхэн зүйлийг алдаг, эмгэг гаж, өвчтэй болгодог, байгаль орчиныг хэдэн зуун мянган жилээр бохирдуулдаг энэ зүйл маань хэр найдвартай вэ? Яагаад А.Ундраа гуай цөмийн эрчим хүчний СӨРӨГ талыг дурьдахгүй байна вэ?
АЦС-ын хуруу дарам цөөн осол болсон гэжээ. Магадгүй ээ. Том хэмжээний осол цөөн болсон байж болно. Гэхдээ жижиг осол байнга болдог бөгөөд ихэнхийг нь зохих ёсны албад иргэдэд мэдээллэдэггүй гэдэгийг санах учиртай.
2021 онд Монголд Атомын цахилгаан станц барина гэжээ. Би бол үүнийг тууштай ЭСЭРГҮҮЦЭЖ байгаа. Хамагийн наад зах нь л монголд хөргүүрийг ажиллуулах хангалттай ус гол мөрөн нуур цуурам бий билүү? Цацраг идэвхит хортой хаягдалаа яах вэ? АЦС-аас ялгарч буй хортой туяанд өртөн өвчилсөн хүмүүсээ бид эмчилж чадах уу?
АЦС-ыг Япон улсын түвшинд хийхгүй бол болохгүй гэж Ундраа гуай хэлжээ. Гэтэл Япон улс нь хүртэл цөмийн аюулт хорын өмнө хүчин мөхөсдөж байна шүү дээ. Хөгжил гэж юу вэ? Эд баялагийн төлөө байгаль дэлхийгээ бохирдуулж, үр хойчдоо амьдрахын аргагүй дэлхийг үлдээхийг хөгжил гэх үү? Япон улсын хөгжил улс ороноо, байгалиа алхам алхамаар мөхөлийн ирмэгрүү хөтөлж байгаа бус уу?

Өдөрийн мэдээ сонинд өгсөн ярилцлага нь
http://www.dailynews.mn/?vfile=7&vmet_id=17846&vmet_main=6253&vt=&vl=&vdate=&vofile=&left=yes&vpage=

Видео ярилцлагыг нь эндээс
http://www.medeelel.com/videos/mand-studi/nevtruuleg/stanfordyn-ih-surguuliin-professor-aundraa-mand-studio

Фукушимагийн АЦС-аас юуны утаа ялгарав?

2011-05-08T22:35:00.006+02:00

Өнөөдөр буюу 5 сарын 8-ны шөнө Фукушима АЦС-д их хэмжээний хар утаа үүсчээ. Юуны утаа вэ? Гал гарав уу? Цацраг идэвхит бодис их хэмжээгээр ялгарав уу?

Ямар ч байсан TEПКO компани Фукушима дахь цөмийн № 3 реакторын ойролцоох температур өнөөдөр 40 градусаар нэмэгдээд 240 гаруй градус болсон гэдэгийг мэдэгджээ. Японы хэвлэлийнхэн “Is the temperature rise at unit 3 due to the melting of nuclear fuel?” гэж асууж байна.

АЦС-аас радио актив бодисууд алдагдсаар. АНУ, Канадын энд тэндэхийн хотуудаас мэдээ хөвөрсөөр: Сүү, уснаас элдэв бодис илэрсээр...

эх сурвалж:
http://enenews.com/tepco-sharp-rise-temperature-reactor-3-70f-day-charts

Хиллари Клинтон: Бид мэдээлэлийн дайнд ялагдаж явна

2011-05-06T12:32:00.010+02:00

АНУ-ын Ирак руу дайрсан гол шалтгаан Саддам Хүссейний цөмийн зэвсэг байсан билээ. Энэ бүх шалтаг дараа нь худал гүтгэлэг гэдэг нь илэрсэн. Саддам Хуссейн ямар ч цөмийн зэвсэггүй байв.

Америк иргэдийн тархийг яаж угааж мунхруулсан бэ? Өдөр болгон, цаг тутам телевиз, радио, интернэт, сонин сэтгүүлээр Хүссейний атомын зэвсэгийг сурталчилж мунхруулсаар АНУ-ын засагийн газар ард иргэдээсээ дэмжлэг авлаа.

Тэр явдалаас хойш байдал харин өөрчлөгдчихлөө.

Америк, англичуудын мэдээлэлийн монополь ганхаж буйг Хиллари Клинтон өнгөрсөн 3 сарын 2нд Конгрессын ажилын хэсэгийн өмнө хийсэн тайлбартаа хүлээн зөвшөөрч "Америкчууд мэдээлэлийн дайнд ялагдаж явна" хэмээсэн бөлгөө. Тиймээс Америкын хэвлэл мэдээлэлд 2012 онд 47 миллиард (?) долларын тусламж, хөнгөлөлт, хөрөнгө оруулалт өгөхийг Х.Клинтон шаардав.

Доорх видеонд Х.Клинтон товч бөгөөд тодорхой хэлэв:

"We are in an information war. We are losing that war. I will be very blunt in my assessment. AlJazeera is winning, the Chinese have opened up global English language and multi language television network. The Russians have opened up an English language network. I have seen it in few countries and it is quite instructive. We are cutting back, the BBC is cutting back."

Чөлөөтэй өөрийнхөөрөө орчуулвал иймэрхүү:
Бид мэдээлэлийн дайн хийж байна. Бид энэ дайнд гэхэдээ ялагдаж явна. Би энэ дүгнэлтээ шууд шулуун хэлчихье. Алжазыра ялж байна, хятадууд англи хэл дээр болон бусад олон хэл дээр дэлхий даяарх телевизийн суваг нээлчихлээ. Оросууд мөн англи хэл дээрх мэдээлэлийн суваг нээлээ. Энэ бүхэнийг би хэдэн улсад харлаа. Энэ бол сургамж авахаар зүйл. Харин бид хэмнэж, багасгаж байна. BBC мөн мөнгөө хэмнэж байна.

Дэлхийн ард түмэнүүд, БИДНИЙ тархийг хэн амжилттай угааж чадах вэ хэмээн аварга гүрэнүүд хоорондоо үзэлцэж байна. Болгоомжтой, сонор сэрэмжтэй байцгаая.
(доорх видеог үзнэ үү)
http://youtu.be/LyjnEm8DZkI

Осама Бин Ладены гурав дахь үхэл

2011-05-04T12:02:00.026+02:00

2011 он ч дэлхий даяар адал явдалтай он болох нь. Шинэ он дундаа ч ороогүй байтал бид олон өөрчлөлтийг харлаа. Арабын оронуудад ардчилалын төлөөх хувьсгал, Японд газар хөдлөлт, мөн атомын цахилгаан станцын 4 реактор нэг зэрэг бараг сүйрэв. Хэд хоногийн өмнө дараагийн мэдээ: Осама Бин Ладен алуулжээ.

FBI Осамаг 9 сарын 11 ний террор ажиллагаанаас болоод хайж буй гэж хүмүүс эндүүрдэг. Гэтэл FBI ийн вэбсайтаас харвал, албан ёсны гол шалтгаан нь 1998 онд Кени, Танзани улс дахь АНУ-ын элчингийн барилгыг бөмбөгдөж 200 гаруй хүн алсан гэжээ. (доорх зурагийг томруулж харна уу). 9/11 талаар нэг үсэг ч алга.
Яагаад? FBI нь Осамаг 9/11 халдлагыг үйлдсэн гэх нотлох баримтгүй хэмээдэг.
9/11 террорын дараахан Осама Бин Ладен өөрөө уг ажиллагаатай ямар ч хамаагүй гээд АНУын төр болон тэдний албад үйлдсэн хэмээн Америкчуудыг өөрсөдийг нь буруутгаж байсан билээ. Худалаа ярьсан байж болно, эсвэл үнэн хэлсэн ч байж болно. Осама Бин Ладены энэхүү мэдэгдэлд Жорж Буш хариулахдаа "Ямар ч асуултгүй Осама бол номер нэг сэжигтэн, ямар ч асуултгүй." гэж байв. Үйл явдалын эхнээс л Осамаг онилох нь ойлгомжтой байв. Хэн нь үнэн, хэн нь худал ярив? Эсвэл энэ хоёр хоёулаа ямар нэгэн холбоо сүлбээтэй юу? Осама болон Бушийн гэр бүлүүд урьд нь ойр дотно харилцаатай байсан гэдэгийг энэ талаар мэдээ мэдээлэл уншдаг хүн бүр мэднэ.

Осама Бин Ладены үхэлийг албан ёсоор зарласанаас хойш зарим хүмүүс Осама Үхлээ гээд л баярлаж гарлаа. Германы Канцлер Ангела Меркэл хүртэл Осама Бин Ладены үхэл бол терроризмын эсрэг хийсэн том амжилт гээд яаран сандран хэвлэлийн бага хурал хийлгэв. Ангела Меркэл АНУын бодлогыг дэмжиж ажилладагаараа алдартай. За энэ бүхэн яахав.

Гол сэдэврүүгээ оръё.

Өдийг хүртэл, 2001 ээс 2011 он буюу арван жилийн хугацаанд Осама Бин Ладеныг нас барсан гэсэн гурван мэдээ гарч ирлээ.

НЭГТ
Осамаг бөөрний өвчний улмаас нас барлаа гэсэн мэдээ Афангистан, Пакистанаас аль 2001 оны 12 сард гарсан. АлКаидагийн зарим нэг хүн Осамаг нас барсаныг зарлаад, Тора Бора ууланд оршуулсан хэмээсэн байдаг. Асуулт: АлКаида ямар нэгэн террор үйл ажиллагааг бид хийсэн гэсэн мэдэгдэлийг АНУ-ын албад үнэн гэж хүлээж авдаг мөртөлөө, манай боосс нас барлаа гэсэн мэдэгдэлийг нь худал хэмээн яагаад хүлээн авдаггүй билээ?
2001 оны 12 сараас хойш цацагдсан Осамагийн гэх видео болон аудио мэдэгдэлүүдийг бие даасан нилээн олон профессор эрдэмтэд шинжилж үзээд "Энэ хүн Осама биш байна" гэсэн дүгнэлтэнд хүрсэн байдаг.

ХОЁРТ
2007 онд Пакистаны ерөнхийлөгчийн сонгуульд нэр дэвшигч Беназир Бутто 2007.11.2 нд АлЖазырад өгсөн ярилцлагатаа Осама Бин Ладен алуулсан гэдэгийг цухас дурьдаад өнгөрдөг. Тэрбээр ярилцлагатаа "... Осамаг алсан Омар Шейх ..." (Omаr Sheikh, the man who murdered Osama bin Laden) гэсэн хэсэгийг дурьддаг. Нэр дэвшигч Бутто ярилцлага өгсөнөөсөө хойш сар хагасын дараа өөрөө буудуулж нас барсан билээ. Хэн, яагаад Беназир Буттог алав? (доорх видеоноос түүний ярилцлагын хэсэгийг үзнэ үү)

Омар Шейх гэж хэн бэ?
Омар Шейх буюу Буттогийн хэлсэнээр Осама Бин Ладеныг алсан гэх хүн нь одоо шоронд цаазын ял аваад сууж байгаа. Пакистаны Экс Ерөнхийлөгч Мушарааф түүнийг давхар тагнуулч буюу Пакистаны нууц алба ISI-д болон Английн MI6-д зэрэг ажилладаг гэсэн байна.

Нэгэн асуулт: Омар Шейх арай аль 2001 онд Осамаг алчихсан юм биш биз. Омар Шейх 9/11ны террор үйл ажиллагаанд мөнгө шилжүүлж, тусалж дэмжиж байсан нь илэрсэн байдаг. АлКаида тэгээд Осамаг өвчинөөр нас барлаа хэмээн худал мэдэгдсэн байж болох.

Нэгэн асуулт: Эсвэл Осама Бин Ладен үнэхээр өвчиний уламаас нас барсан бөгөөд үхсэн хүний нэрийг барьж дайн самуун хийсэн. Үхэхийг нь эртнээс мэдэж байсан байж болно.

Асуулт асуулт асуулт...

ГУРАВТ
Осама Бин Ладенг аллаа гэж хэд хоногийн өмнө АНУын ерөнхийлөгч Обама зарласанаар Осамагийн үхэлийн гурав дахь мэдэгдэл гарлаа. Энэ удаад жинхэнээсээ албан ёсоор ингээд үхүүллээ.

Гэхдээ инээдтэй зүйл сүүлийн хэд хоног бас болж байна аа.

Америкын тагнуулынхан аравын арван жил Осамагийн хойноос хөөцөлдөөд түүнийг илрүүлж чадахгүй байсан гэдэг үлгэрт хэн итгэх вэ? Би лав итгэхгүй. Ялангуяа сүүлийн жилүүдэд Осама Бин Ладен бараг мартагдсан. Дайн хийгээд л байдаг. Яг гол зорилго болох Осамаг үхсэн ч бай амьд ч бай олох даалгавар сүүлдээ бараг л мартагдсан байсан.

Осамагийн байрлаж байсан гэх байр нь Пакистаны цэрэгийн сургуулийн хажууд байдаг гэж байгаа.
Түүнээс гадна ЭХЛЭЭД мэдээллэхдээ нууц албад Осамагийн байр луу дайрахад Осама болон түүний хамгаалагчид гал нээж 40 гаруй минут буудалцаан болжээ. Энэ үеэр Осамагийн эхнэр болон хэдэн ач, зээ нас барсан юм байх. Мөн Осамаг шууд л буудаад алчихсан гэнээ. Улсын номер нэг дайсанаа барьж авахгүй, шүүх ажиллагаа хийхгүй, түүний амнаас үнэн мөнөнийг сонсохгүй шууд алсан гэнэ. Түүний дараа хам хум хүүрийг онгоцондоо авч яваад бушуухан шиг далай усанд оршуулсан гэнэ. Далайн усанд оршуулсан нь мусьлман шашины ёс гэж үүнийгээ Америкчууд тайлбарлав. Гэтэл мусьлман шашинд тийм ёс үгүй гэж хүмүүс хэлэв.

Гэтэл өнөөдөр дээрх мэдэгдэлийг АНУын Цагаан ордоноос залруулав.
Осама зэвсэггүй байсан гэв. Зэвсэггүй байсан хүнийг тархинд нь шууд хоёр удаа буудаж алсан гэнэ ээ. Хүмүүс Осамагийн зураг хөрөгийг харъя гэх болов. Гэтэл Осамагийн зүүн нүдрүү буудсан бөгөөд тархи нь задарч, танихын аргагүй болсон гэнэ ээ. Үүнээс гадна Осамагийн эхнэр өмнөх өдөрийн мэдэгдэлд хэлсэнээр нас бараагүй, харин түүний хөлрүү буудаж шархдуулсан гэнэ ээ. Ахиж ямар тайлбар өгөх бол?

Энэ янзаар инээдэмийн жүжиг л гэсэн үг.

Хүмүүс гаднаас авч буй мэдээлэлдээ шууд итгэхийн оронд ХЭН ЮУ ярьж байна, ЯМАР зорилготой ярьж байна, үүнээс ӨӨР ҮЗЭЛтэй МЭДЭЭЛЭЛтэй хүмүүс байна уу гэх мэтээр олон талаас нь харахыг уриалж байна. Бусадын ярьж хэлсэн зүйлд, энэ удаад Mainstream ТВ, Радио, Сонин зэрэгт няхуур нямбай хандаж байгаасай. Бидний хэн нь ч болсон явдалын дэргэд байгаагүй болохоор, зүгээр л бусадын үгээр л байгаа гэдэгээ санаж яваасай.

Миний хувийн бодол бол энэ бүх зүйл бол зүгээр л олон улсын өндөр нууц зэрэглэлд явагдаж буй, эрх мэдэлтэн хоорондын эд баялаг, эрх мэдэлийн төлөөх өст дайн бөгөөд тэдний жүжиг. Осама аль 2001 онд нас барчихсан ч байж болно шүү дээ.

Update 2011.5.6

Цагаан ордоноос эхлээд мэдээлэхдээ Осамагийн гэрлүү дайрах үеийг АНУ-ын ерөнхийлөгч болон бусад албатанууд ШУУД LIVE үзсэн гэсэн билээ. Одоо болохоор дайралтыг үзэх боломжгүй байсан гэнэ.

Мөн өнөөдөр интернэтээр дүүрэн мэдээ: Ал Каида буюу Осамагийн комьпютер дахь мэдээлэлийг авлаа. Тэрбээр Америкын аль нэг хотод галт тэрэг гүүрнээс онхолдуулах дараагийн ажилаа төлөвлөсөн байна гэнэ ээ. АНУ-ын албаны хүмүүс өөрсөддөө ашигтай л мэдээ гарна. Осамагийн hardware-т өөр юу байна? Эхнэртэй бичсэн хайрын захиа, арван жил яаж агуйд амьдарсан талаарх өдөрийн тэмдэглэл нь байгаа юм биш биз? Үнэхээр эмгэнэлт инээдэмийн жүжиг.
Хүмүүсийг дараагийн боломжт террор халдлагаас сэргийлэх нэрээр улам айлгаж, хяналт цагдалтаа нэмэгдүүлэх боломж гарч ирлээ.
АНУ-ын дараагийн алхам юу вэ? Афганистанаас цэрэгээ татах. Пакистантай харилцаа нь маш муудсан. Пакистантай ямар нэг дайн хийх юм биш биз?

Зарим нэг эх сурвалж
FBI хайж буй хүмүүсийг эндээс хараарай
http://www.fbi.gov/wanted/wanted_terrorists
Осама 911 халдлагыг хийгээгүй гэв
http://articles.cnn.com/2001-09-16/us/inv.binladen.denial_1_bin-laden-taliban-supreme-leader-mullah-mohammed-omar?_s=PM:US
Беназир Буттогийн АлЖазийрад өгсөн ярилцлагыг бүтэнээр нь эндээс үзээрэй
http://www.youtube.com/watch?v=oIO8B6fpFSQ
Омар Шейхийн тухай викигээс
http://en.wikipedia.org/wiki/Ahmed_Omar_Saeed_Sheikh

Daniel Jackson: Vintage Hairdo

2011-05-01T11:07:00.003+02:00

Энэ зурагууд үнэхээр таалагдлаа. Цэнхэр өнгийн олон хувилбар...
Зурагчин: Daniel Jackson, Vogue China May 2o11

С-2012: Сонгуулийн кампанит ажил аль хэдийн эхэлжээ хөө

2011-04-29T22:32:00.009+02:00

2012 оны сонгуульд сонгогчид тун соргог хянамгай байхыг уриалж байна.

Учир нь одооноос энд тэнд УИХ-ын гишүүдийн ярилцлага, хурал зөвөлгөөнд хэлсэн үгс маш ихээр нийтлэгдээд эхэлжээ. Мэдээж намынхаа бодлогоор биз. МАН ч аль хэдийн намын их хуралын бэлтгэл ажилаасаа л сонгуулийн кампанит ажилаа эхэлчихсэн.

Ярилцлага өгсөн УИХ-ын гишүүд бүгд л улс эх орондоо санаа зовсон хүмүүс.

Гэтэл эрх мэдэлийг өгсөнөөр байтал олигтой юм хийдэггүй байж, сайхан ярих шаардлага байна уу? Их л ухаантай хүмүүс байх юм.

Шууд.mn гэдэг вэбсайтыг жишээлж харъя. 4 сарын 26наас 29ны хооронд буюу ердөө дөрвөн хоногийн дотор зургаан УИХ-ын гишүүн ярилцлага өгчээ. Өөрөөр хэлбэл өдөрт дор хаяж нэг эсвэл хоёр гишүүний ярилцлагыг нийтэлдэг. Үүнээс гадна мэдээ, сурвалжлага гээд эдгээр хүмүүсийн талаар байнга мэдээлж буй. (Доорх зурагийг дарж томруулж харна уу.)
Мэдээж эдгээр хүмүүс өөрийн ажилаа, бодож санаж байгаагаа илэрхийлэх хэрэгтэй. Гэхдээ уншигчид сонор сэрэмжтэй байж, хэн юу ЮУНЫ ТӨЛӨӨ ярьж хэлж буйг сайтар ажиглах учиртай. Учир нь одооноос сонгогчидын толгойг эргүүлэх, хуурах, амлах элдэв нууц кампанит ажилууд түвшин түвшиндээ явагдаад эхэлжээ.

Хүн болгон дор бүрнээ өөрийн бодолтой байж, хэн юу яриж байна, өнгөрсөн хугацаанд юу хийв, ямар хууль батлав, ямар хүн бэ гэх мэт бүгдийг ажиглаж, дүгнээрэй.

Монголын ирээдүй? Хүн болгон үз! - №2

2011-04-28T23:57:00.009+02:00

Таван толгойн нүүрсний уурхайн талаар газар дээрээс нь.
Youtube-чин Erdenee5 шинэ видео оруулжээ.
(Юүтюүбийн сувагруу нь орохыг хүсвэл дараах линкдээр дарна уу
http://www.youtube.com/user/erdenee5)

Унших нэг өөр видеог үзэх бас нэг өөр.
Өмнөх видеог чадах ядахаараа ийш тийш тараав.
Тараасанаас хойш үзэгчидийн тоо нь богино хугацаанд 300 гаар өссөн байна.
Ямар ч байсан 300 үзэгчид шууд болон дамаар хүргэж чаджээ.

Нүүрс тээвэрлэж буй машины цуваа 7 км гэнэ.

Erdenee5 видеоныхоо доор энэхүү тайлбарыг бичиж:
Миний бие уг бичлэгүүдээрээ хүмүүс Монголчууд бид байгалийн баялагаа ашиглах явцдаа хэрхэн байгаль орчныг цунамид нэрвэгдсэн газар орноос долоон доор аймшигтай болгож буйг харуулахыг зорилоо. үнэндээ Монголд хангалттай хууль, дүрэм ,журам, байгаа боловч ямар нэгэн хяналт алга, бараг хяналт тавих сонирхол байхгүй юм болов у уг эж бодогдохоор байна. Үүнийг төр засаг , эрүүл ухаантай хүн бүр таслан зогсоохын төлөө байгаасай.Монголд иймэрхүү байдал таслан зогсоогдох болтол мэдээллийг хүмүүст хүргэх болно.

Царцаа Намжилын тухай бодолууд - №1

2011-04-25T23:15:00.009+02:00

Миний бие өнөөдөрийг хүртэл хар бор, хар мянган ажил хийж үзэв. Оюутан хүмүүнд чаддаг зүйл байхгүй ч, бас чадахгүй зүйл огтоос үгүй. Олон арван ажил хийсэн нь хорвоо ертөнцийг харж, хүний амьдралын тухай бодоход хүргэдэг билээ.

Нэгэн өдөр гэнэт Царцаа Намжил хэмээх үлгэр толгойнд минь харвасан сум мэт орж ирлээ. Учир болвоос би өөрийгөө Царцаа Намжил хэмээн мэдрэв. Гүн ухааны талаас ойлгоно уу! Энэ тухай блогтоо аль жил хагасын өмнө бичье гэж бодсон ч өдий хүртэл амжсангүй. Царцаа Намжил гэж яадаг үлгэр вэ гэж бодож ахул эндээс юун түрүүнд уншина уу: http://gunuhaanduguilan.blogspot.com/2010/01/blog-post_05.html

Тэр үед л би Царцаа Намжил гэх үлгэрийн гүн гүнзгий утга агуулгыг өөрийн биеэр ойлгон ухаарсан юм. Тиймээс энэ үлгэрийг философийн үүднээс задлан шинжилээд, хумин дүгнэхийг хүслээ.

Хамагийн эхэнд болвоос энэхүү үлгэрийг хэн нэгэн хүн зохиосон байх. Тэрхүү хүн бээр нэг бол өөрийн биеэр туулан ухаарсан зүйлээ зохиол бүтээл болгон бусдад түгээсэн, эс бөгөөс маш мундаг ажиглагч бөгөөд амьдралын эрээн барааны учигийг ухаарсан нэгэн байсан байх аа.

Яагаад олон мянган ажилыг урт богино хугацаагаар хийсэн маань би өөрийгөө Царцаа Намжил гэж тэр нэгэн өдөр бодоход хүргэв? Үлгэрийн гол утга бол дээрх асуултын хариу юм. Үлгэрийн зохиогч бээр өөрийн бүтээлээр үр хойч бидэнд нилээн зүйлийг өгүүлэхийг хүсчээ.

Юун түрүүнд амьдралыг яаж үзэх талаарх санаа юм. Мета түвшинд бүгдээр энэхүү үлгэрийг харцгаая.

Хэдийгээр Царцаа Намжил сурах чадваргүй гэгдэн сүмээс хөөгдсөн ч харих замдаа ихээхэн адал явдалтай учирдаг билээ. Сүмээсээ явахаас өмнө багш нь Намжилд хандан “Би чамд одоо ямар ч ном заахгүй. Замдаа тохиолдсон бүгдийг ажиглан харж тогтоогоод явбал тэр чинь чамд сайнаас сайн эрдэм болно биз дээ” хэмээдэг.
Царцаа Намжилын зүгээс бид энэхүү захиасыг үзвэл арга баран, цөхрөнгөө алдсан нэгэн багш ламын бодолтой, бодолгүй түүнд хандаж хэлсэн үг юм. Харин мета түвшин буюу зохиолчийн санаанаас ухаарвал тэрбээр уншигч, сонсогч бидэнд амьдралад яаж хандах талаар зааж буй юм.
Бид бүхэн өөрийн өдөр тутамын амьдралд тохиолдож буй, хийж бүтээж буй, үзэж харж буй гээд бүхий л зүйлээсээ суралцах учиртай юм гэдэгийг үлгэрийг зохиосон мэргэн хүмүүс өгүүлжээ.
Суралцахын эх үндэс болох гэхдээ нэг зүйл бий. Тэр болвоос өөрт учирсан, тохиолдсон бүхэнд НЭЭЛТТЭЙ байх. Намжилыг үлгэрийн эхэнд ТЭНЭГ гэж хэлдэг нь учиртай. Толгой нь ажиллахаа больчихсон, дүүрсэн тэнэг бол тэрбээр яавч биш. Тэнэг гэдэгээр заримдаа хараахан суралцаж амжаагүй нэгэнийг бас нэрлэж болно. Жишээ нь би бол монголоор дүүрэн яригдаж байгаа хувьцааны талаар юу ч мэдэхгүй билээ. Тэгэхээр хувьцаа гэдэг үүднээс намайг харвал би энэ талаар огтоос мэдлэггүй тэнэг хүн юм. Хэдий мэдлэггүй тэнэг ч, мэдэхийг хүсч буй явдал маань миний мэдээлэл авах, сурах хүсэлийг минь өдөөж буй. Энэ хүсэл маань намайг НЭЭЛТТЭЙ байхыг шаардаж буй. Тэгэхээр энэхүү амьдралд-нээлттэй- хандахуй-гэдэг-үзэл нөхцөл бүрэлдсэн үед л хүмүүн нь амьдралаас суралцаж чадна. Нээлттэй байхын үндэс бол зоригтой байх юм. Нээлттэй байх гэдэгийг цааш гүнзгийрүүлэн ухаарвал ихийг ойлгож болох ч орхиё.

Царцаа Намжил багшийнхаа захиасыг үг нэг бүрчлэн биелүүлдэг. Гурван зүйлийг ажиглаад, гурван дүгнэлт хийв: “Бараан шувуу вааг вааг”, “Хоёр зээр жоорон жоорон”, эцэст нь “Хоёр хулгана газар малтаад бувс бувс”. Царцаа Намжил өөрийн оюун ухааны чадавхидаа нийцүүлэн ажиглаж, сурсан зүйл нь эдгээр юм. Энэхүү эрдэмүүд эцэс сүүлд нь түүнд тусалдагийг бид мэднэ. Хэрэвзээ Царцаа Намжил эдгээр зүйлийг ямар ч хэрэггүй зүйл байна хэмээн үл ойшоосон бол, нүдээ аниад хажуугаар нь өнгөрсөн бол эцэстээ амь үрэгдэх байв.

Үлгэрийг зохиосон, баяжуулсан хүмүүс үүгээрээ юу өгүүлэхийг зорив? Амьдралд нээлттэй хандсан, эргэн тойроноо ажиглан, хэрэггүй гэж бодолгүй л юм бүхэнээс суралцдаг, ухаардаг, дүгнэлт хийдэг хүмүүнд эдгээр эрдэм хэзээ хожим ХЭРЭГ БОЛДОГ юм. Хэрэгтэй эрдэм, хэрэггүй эрдэм гэж үгүй. Чаддаг, мэддэг зүйл байхад эрдэмийн ашиг тус амьдралын урт богино замд ямар нэг байдалаар үр өгөөжөө өгмүй.

Би өөрийгөө Царцаа Намжил гэж бодсоны учир энэ юм. Хар мянган ажил хийж үзсэн нь тухай бүртээ надад ямар нэгэн эрдэм сурах боломжийг өгсөн билээ. Хэдийгээр яг тэр өдөр хэнд ч хэрэггүй хөдөлмөр эрхэлж буй мэт санагдавч, хэзээ хожид тэрхүү эрдэм миний амьдралд тус болж буйг мэдэв. Тиймээс нээлттэй бөгөөд зоригтой байж, ямарваа нэгэн зүйлийг голж шилэлгүй хийж, тэр талаар эргэцүүлэн бодож, дүгнэлт хийж явах ёстой юм байна. Энэ болвоос Царцаа Намжил хэмээх үлгэрийн тухай эхний бодол байв.

үргэлжлэл бий.

Сосорбарам гуай Данзанравжаагийн тухай

2011-04-25T19:55:00.003+02:00

Би бээр шүлэг яруу найрагт маруухан билээ. Данзанравжаагийн талаар Сосорбарам гуай сонирхолтой зүйл ярьжээ. Мөн түүний шүлэгээс шууд ишлэж буй нь сайхан санагднам.

Монголын ирээдүй? Хүн болгон үз!

2011-04-24T19:12:00.012+02:00

Миний блогийг уншдаг хүн бол гадарлах байх. Аль эртнээс л эх орондоо, байгаль дэлхийдээ САНАА ЗОВООЧЭЭ ХҮМҮҮСЭЭ, ялангуяа ЗАЛУУСАА гэж уриалан дууддаг. Та нарыг дискодоод баардаад архидаад сууж байх хооронд монголын эмзэг байгаль сүйрч байна. Сайхан машин, хувцас, эд хөрөнгө мөрөөдөж байх хойгуур чинь газар нутаг чинь цөлмөгдөж байна. Хэрэв бид бүхэн эх ороныхоо ирээдүйн жолоог өнөөдөр гартаа авахгүй бол биднийг маш хүнд хэцүү цаг үе хүлээж байна шүү гэдэг. Монгол улсынхаа сайхан газар нутагийг уул уурхайн улс болгохын эсрэг байнга дуу хоолойгоо гаргадаг. Монголчууд нэг хоёр уул уурхайн ордоо л төрийн хяналт доор гамтай арвитай ашиглах учиртай.

Сүүлийн хорин жилийн дотор эх ороноо худалдсан, байгаль орчиноо сүйтгэсэн бүх ХҮМҮҮСИЙГ болдогсон бол...
ДООРХ ВИДЕОНУУДЫГ ҮЗЭЭД СЭТГЭЛ ЗҮРХ МИНЬ ҮНЭХЭЭР ШИМШИРЧ БАЙНА. БИД БҮХЭН ЯМАР НЭГЭН ЗҮЙЛ ХИЙХГҮЙ БОЛ ОРОЙТОХ НЬ ЭЭ!
Доорх видеог үзсэн хүн бүр ЦААШ ТАРААНА УУ.

Доорх видеог заавал үзээрэй. Байдал ямар байгааг газар дээрээс нь...

http://www.youtube.com/watch?v=oHC3UAD56sU&feature=related

Хавар юу өмсөх вэ?

2011-04-20T12:50:00.012+02:00

Энэ өвөл ч бас их урт байлаа. Өнөөдөрөөс л нэг жинхэнэ хавар маягийн цаг агаар эхэлж байх шиг.
Газар хөдлөлт, атомын радио актив бодисны аюул хөнөөл... элдэв асуудалууд.
Гэхдээ амьдрал сайхан хэвээр. Хаварын улирал эхэлж, урин дулаан цаг ирж байна.
Өвөлийн хувцас хунараа далд хийх цаг ч аль хэдийн болчихсон.
Хувцасны шкаф нь дүүрэн байхад л өмсөх хувцас алга гэдэг нь орчин үеийн эмэгтэйчүүд бидний зан.
Энд тэнд нимгэн хувцастай хүмүүс гүйлдээд байхаар бас бодлоо. Юу өмсөх вэ энэ хавар?

Хамагийн түрүүнд өмднөөс татгалзаж даашинз өмсөх. Биенд элдэв даавуу жийнс наалдаад байхгүй. Агаар салхи ороод...

Эсвэл даавуун, нилон гэх мэт леггингс, трико өмсөх.
Оверолл, шортын дээр урт ноосон цамц өмсөх. Биеийнхээ амарыг харж хувцаслах.
Нар салхинаас хамгаалж алчуур хэрэглэх. Иймэрхүү турбаан бол үстэйгээ орооцолдож явах шаардлагагүй болгож буй юм.
Иймэрхүү Ковбое малгай ч зүгээр. Нүүрээ нарнаас халхалчихна. Борооны дусалаас хамгаалчихна. Салхи ихтэй өдөр духруугаа урагш дарчихна. Зохиодог хүндээ бол ч гоё харагдана л даа.
Орой үдэш дулаахан гээд ноосон, ноолууран, даавуун нөмрөг байхад...
Мэдээж савхин жакет. Ашгүй нэг өвөлийн зузаан куртикнээсээ салж савхи, пальто өмсөх дулаан цаг иржээ.

Fard - Das zweite Gesicht = Будалт - Хоёр дахь нүүр

2011-04-20T00:22:00.014+02:00

Гоё кино үзлээ.
Анимаци, анимешн...
Монголоор Зураглалт Кино гэж хэлмээр ч юм уу?
Хэт сунжруу үг юм уу?
Хүүхэлдэйн кино гэхээр хүүхдэд зориулсан мэт ойлгогдоод байна!

Үе үе анимаци кино үзэх дуртай. Сүүлийн үед үзсэн хамагийн дуртай зураглалт кино бол: Persepolis, Waltz with Bashir. Үүнээс гадна Хаяао Мияазакигийн анимациуд.

FARD (франц үг, бараг л фааг/ фаар гэж дуудах бололтой. (косметик) Будалт гэсэн үг аж) гэдэг богино хэмжээний франц анимаци кино үзэв. 10 минут тун хурдан дуусчихав.
Киноны санаа таалагдлаа. Матрикс маягийн, зөгнөлт анимаци.
Үйл явцыг товч дурдвал:
Дэлхий тэр чигээрээ зөвхөн саарал өнгөтэй. Нэгэн залуу гар чийдэн авна. Гар чийдэнгийн гэрэл туссан зүйлийн саарал өнгө арилж бодит өнгө нь илэрнэ. Будалтын цаана ихэвчлэн хөгширсөн, хэмхэрсэн зүйлс үзэгдэнэ. Энэ бүхэнийг мэдсэн түүнийг бүлэг этгээдүүд хөөнө.

Зурсан арга барил ч таалагдав. Дээр нь видео нэмэлт орж ирсэн нь киноны түүхийг улам баяжуулж, үнэмшилтэй болгожээ. Хэдийгээр бяцхан түүхийг өгүүлж байгаа ч киноны үйл явц өрнөл ихтэй. 13 минут миний хувьд гялс мялс дууслаа.

2009 онд хийгдсэн.
Дараах линк дээр дарвал харамсалтай нь зөвхөн франц хэлээр үзэх боломжтой
http://blip.tv/file/3376237

Киноны тухай дэлгэрэнгүй мэдээлэлийг эндээс
Fard - Das Zweite Gesicht
http://www.imdb.com/title/tt1484071/

keywords: animation zugnult kino kuukeldei zuraglalt zurag frants german

Диор - под знаком искусства

2011-04-17T18:51:00.012+02:00

Москва хот дахь Пушкины нэрэмжит Урлагийн музей нь тансаг хувцас үйлдвэрлэгч Кристиан Диор компанитай хамтран Диор - под знаком искусства гэдэг үзэсгэлэн 2011.4.28-2011.7.28 хооронд зохион байгуулж буй юм байна. Кристиан Диорын өөрийн урласан хувцаснуудыг болон санаа оноогоо тэрбээр урлагийн бусад төрөлөөс мөн бусад үндэстэн ястаны түүх соёлоос хэрхэн яаж олж байсаныг үзэсгэлэнд харуулах юм.

Үзэсгэлэнд зориулан Оросын Vogue сэтгүүл Кристиан Диорын урласан хэдэн хувцасыг харуулжээ. Харж байтал дунд нь монгол хувцас явж байна (доорх фото). Би ч дуу алдан -Хүүе, Диор ах бас цагтаа манай Монгол хувцасаар юм хум хийх гэж оролдож байжээ гэж бодов.

Мэдээж хэт урт ханцуй нь Диор гуайн нэмэлт. Зарим нэг хятад маягийн нэмэлт даавуу материал оруулжээ. Яагаад хятад нэмэлт гэж үү? Учир нь эртний монгол хувцасыг хараад байхад хятадууд шиг эрээвэр хураавар материалаас илүүтэй дан өнгөтэй, элдэв зураг дүрсгүй бөс бараа сонирхдог байсан мэт.

(зурагийн эх сурвалж: Vogue russia- May 2011)

Доорх зурагийг 1913 оны 7 сард Өргөөд буюу хуучин Улаанбаатарт ирсэн францын зурагчин Стефан Пассе авсан. Дээрх Диорын цуглуулганы дээлтэй харьцуулан харна уу.
Хүмүүс, хөөрхий манай монголын хэдэн хувцасны дизайнерууд хувцас хунар зохиохоор эндээс хулгайлсан, тэндээс тоншсон гээд байнга хардаж сэрддэг, муулж доромжилдог. Мэдээж шууд л дуурайгаад оёод, бодож сэтгэдэггүй дизайнерууд байлгүй яахав.
Гэхдээ бас монгол дизайнеруудынхаа хийсэн юм болгоныг нь дорд үздэгээ болимоор. Угаас бид бүхэний өнөөдөр өдөр тутамдаа өмсч байгаа жийнс, костюм, цамц юу байдаг юм хамаг хувцас бол европоос гаралтай, европ хувцаснууд. Бид европ америкчуудын хувцасыг л өмсч, оёж, зохион бүтээж буй. Жинхэнэ Монгол хувцасаа өмсвөл дээрх маягийн дээлээ өмсөөд л дэлхийгээр аялана шүү дээ. Харин европ, америкын дизайнерууд манай монгол ч юм уу, бусад улс үндэстэний хувцаснаас санаа авахаар хэн ч хулгайллаа тоншлоо гэдэггүй - Аан Диор гуай тухай үедээ Монгол хувцаснаас санаа авчээ л гээд өнгөрдөг. INSPIRATION гэдэг үгээр ихэнх нь өөрийн хувцасаа тайлбарладаг.

Хувцас хунар сонирхдог хүн Москвад явж буй бол энэ үзэсгэлэнг үзээрэй.
Үзэсгэлэнд тавигдах хувцаснуудаас миний хувьд доорх таалагдав.
Москва дахь Пушкины нэрэмжит урлагийн музейн вэб
http://www.arts-museum.ru/events/archive/2011/04/exhibition_Dior/index.php

Сонгууль 2012: Намууд мөнгөний амлалтаар өрсөлдөхгүй

2011-04-17T15:48:00.007+02:00

Сонгууль 2012 буюу цаашид С-2012 гэх булангаа эхэллээ.

МАХН болон АН-ын 2008 оны сонгуулийн үеэрх гол амлалт нь МӨНГӨ өгөх. - Намайг сонговол чамд нэг сая төгрөг өгье гэж нэг хэлэхэд нөгөөх нь - Үгүй ээ, би тэрнээс илүү бүр нэг сая таван зуун мянган төгрөг өгнө гэсэн шүү дээ намайг сонго гэв. Энэ амласан мөнгөнөөс нь болж тухайн намыг сонгосон хүн бол ХУДАЛДАГДСАН хүн. Ихэнх хүмүүс худалдагдахад бэлэн гэдэгийг дээрх хоёр намын хүмүүс сайн мэдэж байсан. Үүнийг нь ч овжин ашигласан. Энэ их мөнгийг энэ хоёр нам хаанаас гаргах гэж байна гэдэгийг мөнгөний гачланд орсон хүмүүс юун бодох. Гэтэл хүмүүсийн өөрсөдийнх нь баруун халааснаас нь аваад зүүн халаас руу л хийж байгаа хэрэг шүү дээ. Өөрөөр хэлбэл татвар татаасны мөнгийг, эсвэл газарын баялагаас орж ирэх мөнгө. Тэр газар бол сонгогчидын өөрийнх нь амьдарч, ажиллаж буй орон нутагийн л газар, хөрс, баялаг. Аль ч намд нь саналаа өгсөн бай хамаагүй болсон. Дээрх хоёр нам хоёул хамтарсан засагийн газар байгуулсан билээ. Яагаад Ардчилсан нам МАХНы дарга С. Баярын хамтрах саналыг хүлээн авав? Зөндөө асуулт. Нэг сая таван зуун мянган төгрөгөө хаанаас яаж өгөхөө ярилцсаар ямар ч байсан 2011 оны 1-р сараас Эх Орны Хишиг хэмээн сар бүр 21.000 төгрөг өгөх болов. Хэр удаан үргэлжилэхийг харж байя.

Энэ бүхэнээс харахад 2008 оны сонгууль болон засаг барих дараах жилүүдийн гол сэдэв бол ерөөс л МӨНГӨ, МӨНГӨ, бас дахин МӨНГӨ, өөр юу ч биш байлаа.

3 сарын 22нд улс төрийн намуудын дарга нар уулзаж Харилцан Ойлголцлын Санамж бичиг гэдэгт гарын үсэгээ зурсан үйл явдал болов.

Энэхүү бичиг нь гурван заалттай. Санамж бичигт нэгдсэн намууд бүгд доорх үүрэгийг хүлээх юм:

Монгол улсын үндэсний аюулгүй байдалыг хангаж ажиллана.
Хуулийн дагуу ажиллана
2012 оны УИХын сонгуулиар сонгогчидод мөнгө амлахгүй.
Бусад сонгуулиудад ч мөнгө амлахгүй.
Парламентийн засаглалаас өөр бусад засаглалыг, жишээ нь ерөнхийлөгчийн, дэмжихгүй.
Улс төрийн энэхүү системээ боловсронгуй болгоно.
Шууд бус ардчилалыг улам бэхжүүлнэ. Бэхжүүлэхийн тулд ажилын хэсэг байгуулна.

Хэдийгээр маш олон санааг энэ бичигтээ тусгасан ч МӨНГӨӨР өрсөлдөхгүй гэсэнийг хаа сайгүй ихээр онцолов.

Ихэнх намууд өөрийн вэб хуудастай. Энэ талаар гагцхүү Ногоон Нам л вэбсайт дээрээ мэдээлсэн байна. Бусад нь, МАН болон АНын вэб таг чиг.
СОНГОГЧ бид бүхэн цаашид яах вэ:
Хэрэв зээ гарын үсэг зурсан намуудаас 2012 оны сонгуулиар бэлэн мөнгө эсвэл бэлэн мөнгөтэй дүйх зүйлсийг (жишээ нь хувьцаа, эд хөрөнгө гэх мэт мөнгөөр худалдаж авч болох бүхэнийг) тарааж байвал, амлаж байвал саналаа тухайн намд БҮҮ ӨГ. Тухайн намыг бүү сонго. Бүү хуурт.

Учир нь болвоос Монголын улс төрийн амьдрал хэдий болтол АЖИЛ АМ нь зөрдөг, энд тэнд худал чалчиж явдаг, бүхэнийг зоосны нүхээр хардаг баагий нараар удирдуулж явах вэ? Дагаж мөрдөхгүй бол хий хоосон уулзалдаж, гарын үсэг гэгчээ сэтэрлэж явах зорилго байна уу? Элдэв мөнгө төгрөг, эд хөрөнгө, хувьцаа, баялаг амладаг ямар ч тооцоогүй, алсын хараагүй хүмүүсээр яах вэ? Хорин жил явлаа. Сонгуульд саналаа өгөх эрхтэй хүмүүс ухаармаар юм.

Эцэсийн эцэст сонгогчид юуны төлөө ардчилал, сонгууль байгааг ухамсарлаж, түүнийгээ өөрийн үйл амьдралдаа төлөвшүүлэх хэрэгтэй байна. Чихэр өгнө шүү гэсэн болгоны араас чаргууцалдмааргүй байна. Хэрэгтэй үед, зорилгынхоо төлөө бол сонгогчид чихэрнд хууртагдалгүй, бүр өлсөхөд ч бэлэн байх учиртай.

Хэн нь хэдэн төгрөг амлаж чаддагаараа биш, хэн нь юу хийж чадах, яаж хийх, юуны төлөө явж байгаа вэ гэдэгээрээ сонгогчидыг байлдан дагуулахаас өөр арга байхгүй. Үүнийг сонгогч бүр ойлгохоос нааш, шударга сонгууль, ардчилсан нийгэм хөгжиж чадахгүй.

Ногоон намын вэб дээрх мэдээ: http://www.greenparty.mn/news/news/414-2011-04-08-05-36-26.html

Эрхий мэргэн (үлгэр)

2011-04-16T16:28:00.002+02:00

Эрт урьд цагт энэ дэлхийд долоон нар гараад, ган гачиг болоод, газрын хөрс улайдаад, ус мөрөн ширгээд, ургамал мод хатаад, амьтан хүн халууцаад, адуу мал харангадаад, байх суухын аргагүй болж гэнэ. Тэгтэл тэр нутагт Эрхий мэргэн гэдэг харснаа харвадаг, харваснаа онодог хавтай мэргэн харваач байж гэнээ.
-Огторгуйд гарсан олон нарыг чи онож харваад устгаад өгөөч! гэж олон амьтан түүнд очиж гуйж гэнэ.
Эрийн сайн төрсөн Эрхий мэргэн харваач эрхийдээ эрчтэй, элгэндээ цөстэй, залуу настай, халуун цустай хүн болохоор мэргэн харвадагтаа эрдэж:
-Долоон нарыг би долоон сумаар нэг нэг харваад онож устгаж чадахгүй бол эрхий хуруугаа огтлоод, эр хүнээ байгаад, хар ус уухгүй, хагд өвс идэхгүй амьтан болоод харанхуй нүхэнд амьдарна гэж ам алдаж тангараг хийж гэнэ.
Тэгээд дорнодоос өрнөд хүртэл огторгуйд цуварсан долоон нарыг зүүнээс нь харваад гарч гэнэ. Зургаан сумаар зургаан нарыг устгаад долоо дахь нарыг харвахаар шагайж шившиж байтал нь хараацай шувуу хоорондуур нь орж халхалсанд, харваад орхисон чинь хараацайн сүүлийг сэт оносон учир алтан хараацайн сүүл хоёр салаа болчихсон гэнэ. Харин өнөөх сүүлчийн нар харваачаас айгаад баруун уулын цаагуур, барс гээд далд орчихож гэнэ.

Эрхий мэргэн харваач хараацай шувууг садаа боллоо гэж харцага алаг мориороо хөөж алах гэсэнд морь нь хэлж гэнэ:
-Үүрйин харуй бүрийгээс үдшийн харуй бүрий хүртэл хөөгөөд хараацай шувууг би гүйцэхгүй бол хөл мөчий нь огтлоод хөдөө газар хаяарай! Би эмээлт морио байгаад энхэл тунхал газар амьдрах болно гэж ам тангарагаа өгчээ.
Хараацай шувууг хөөгөөд хариугүй гүйцэхийн даваан дээр хараацай шувуу хаашаа ч хамаагүй хальт булт үсрээд арай гүйцэгдэлгүй зугтаасаар үдшийн харуй бүрий хүргэчихэж гэнэ. Эрхий мэргэн уурлаад харцага алаг мориныхоо урд хоёр хөлийг огтлоод хөдөө газар хаячихсан чинь алаг даага болчихож гэнэ. Алаг дааганы урд хоёр хөл богино байдгийн учир тэр гэнэ. Бас хараацай шувуу үдшийн харуй бүрийгээр морьтой хүний урдуур, хойгуур ээрэн тойрон нисдэг нь: “Намайг гүйцэх үү? Гүйцэх үү?” гэж дооглож байгаа нь тэр гэнэ.
Эрхий мэргэн өөрөө эр хүний ам тангарагын ёсоороо эрхий хуруугаа огтолж хаяад, эр хүнээ байгаад, хар ус уудаггүй, хагд өвс иддэггүй тарвага болоод харанхуй нүхэнд амьдардаг болсон гэнэ. Тарваганы хөлийн сарвуу дөрөв байдаг нь үүнээс болсон гэнэ. Бас Эрхий мэргэн харваач, тарвага болсноо мартаад орой өглөөний нарнаар отож байж нарыг харвана гэж өглөө, оройн нарнаар нүхнээсээ гардаг учир тэр гэнэ. Тарваганд “хүн мах” гэж хүн идэж болдоггүй мах байдаг нь Эрхий мэргэний мах учраас тэр гэнэ. Мөн энэ дэлхийд үлдсэн ганц нар Эрхий мэргэнээс айгаад уулын цаагуур орчихсон учраас өдөр, шөнө ээлжилдэг болсон гэнэ.
эх сурвалж http://ulgerch.blogspot.com/2009/06/blog-post_4206.html

Баянхонгор, Говь-Алтайд удахгүй газар хүчтэй хөдлөх үү?

2011-04-16T11:39:00.010+02:00

Юун түрүүнд би судлаач хүн биш учираас, миний бичсэн зүйлээс хэрэгтэйг аваад хэрэггүйг нь хаяаарай гэе. Өөрийн хувийн ажиглалтаа бичлээ.

Өнөөдөр, 4 сарын 16нд UTC цагаар 08:20:46, Говь-Алтай аймаг дахь Сүмийн Хийдэд 4,9 магнитуд хэмжээтэй газар хөдөлжээ. Доорх зурагт газар хөдлөлтийн голомтыг харуулав.

Хэд хоногийн өмнө Баянхонгор аймагт мөн газар хөдөлсөн талаар бичсэн. Доорх зурагт өмнөх газар хөдлөлтийн голомт болох Өлзийтэй Булагийн Хийд гэдэг газарыг харуулав.

Азаар хүнгүй газарууд бололтой. Лав л газар хөдлөлтөнд өртлөө гэсэн мэдээлэл өнгөрсөн хоногуудад уншсангүй.
1957 онд Баянхонгор, Говь-Алтай аймагийн яг энэ хэсэг газарт 8 магнитудын хэмжээтэй газар хөдөлсөн билээ.
Ямар ч байсан энд газар сүүлийн өдөрүүдэд хөдөлгөөнтэй л байгаа юм байна. Хэрэв зээ рихтерийн шаталбараар 7 эсвэл 8 магнитудын хүчтэй газар хөдлөлт болвол хүн ам эхээр суурьшсан Улаанбаатар болон бусад хотуудад чичиргээ доргио бас л мэдрэгдэж таараа.
Тиймээс энэ талаар урьдчилан сэргийлээсэй л гэж хүснэм. Учирах аюул осолд бэлдээсэй.

Японы аралууд түгшүүртэй хэвээр

2011-04-15T23:25:00.009+02:00

Японд болсон хүчтэй газар хөдлөлтөөс хойш сар илүү хугацаа өнгөрсөн ч гэсэн газар тасралтгүй хөдөлсөн хэвээр. Судалаачид долоон магнитудын хэмжээтэй газар нилээн их хөдөлнө гэж хүлээж байгаа юм байна. 3 сарын 11нээс хойш хоёр удаа M7+ хэмжээтэй хөдөлжээ. Дор хаяж арван гаруй удаа 7 магнитудаас дээш хүчтэй газар хөдөлөх магадлалтай гэнэ. Уг нь газар хөдлөлт намжих байтал одоог хүртэл хүчтэй дараах хөдлөлтүүд болсоор.
Газар хөдлөлтөөс өөр нэгэн үзэгдэл японд явагдаж байна: Soil liquefaction.

Яг мэргэжилийн үүднээс яаж тайлбарладагийг мэдэхгүй. Зүгээр харахад хөрс яг шингэн зүйл шиг болчихдог юм байна. Хэдэн сарын өмнө Шинэ Зеландад болсон газар хөдлөлтөнд энэ үзэгдэл бас л тэнд үзэгдсэн.
Газар яг л шингэн зүйл цалгиж байгаа юм шиг нааш цааш хөдөлж буйг доорх видеоноос заавал үзээрэй. Бас л айдас хүргэмээр харагдаж байна шүү... Японы аралын хөрсөн доор юу болоод байгааг бурхан л мэдэх байх.

Монголд 5,2 магнитудын хэмжээтэй газар хөдөлөв

2011-04-13T23:18:00.013+02:00

Дэлхий даяар газар хөдлөлт эрчтэй байна. Миний санаа зовж буй зүйл Монголд гарсан байна. Хэдхэн минутын (UTC цагаар 22:45:29) өмнө 5,2 магнитуд хэмжээтэй газар хөдөлжээ. Зарим төхөөрөмж 5,4 магнитуд зааж.

Өлзийтэй Булагийн Хийд гэдэг газарт гадаргаас доош 10 км зайд хөдлөлтийн төв нь байж.
Миний санаа зовж буй зүйл ирээдүйд Монголд маань бүү учираасай л гэж залбирнам.

Энд нэгэн блог оллоо. Японы газар хөдлөлтөд өртсөн Мияаги мужийн ойр амьдардаг монгол хүн блог хөтөлдөг юм байна. Газар дээр нь байгаа болохоор гамшигийн талаар арай бодитой мэдээлэл хүргэх байх: http://jambaldorj.blogspot.com/

2012 оны УИХын сонгуульд СОНГОГЧИДыг бэлтгэх

2011-04-10T11:55:00.005+02:00

ШУУД БУС АРДЧИЛАЛ гэдэг систем сонгоод монголчууд 20 н жил боллоо. Яг үнэндээ ямар ч ойлголтгүй л хүйтэн усруу ард нийтээрээ үсэрсэн л дээ. Шууд бус ардчилалаас гадна худалдаа үйлчилгээ, мөнгө төгрөгөө зохицуулах тал дээрээ чөлөөт зах зээлт капиталист үзэлийг сонгов. Одоогоор энэ замаараа сайнтай муутай, дэвшилтэй доройтолтой явна. Гэхдээ ХААШАА явж байгаа вэ? Энэхүү асуултыг засагийн эрхтэй, үйл ажиллагааг явуулах гол үндсэн чигийг баригч ерөнхий сайд хариулна. Одоогийн ерөнхий сайдын хаашаа явах хүсэлтэйг би блогтоо нилээн дээр бичсэн билээ. Ерөнхий сайд С.Батболдын явж буй зүг бол өөрийн их бүтээн байгуулалт программын хүрээнд УУЛ УУРХАЙН МОНГОЛ УЛС үүсгэх.

За дээрх хэсэг бол оршил хэсэг байлаа.

Жилийн дараа монголчууд төрийн эрхээ өөрсөдийн сонгосон хүмүүстээ шилжүүлж, тэднийг хуралдуулах боломжыг өгч, Монгол улс даяар мөрдөгдөх хууль батлах эрхийг өгөх СОНГУУЛЬ болох гэж байна. Намууд, тэр дундаа Монгол Ардын Нам (хуучинаар МАХН), аль хэдийн ард олоны үзэл бодолыг татах кампанит ажилаа эхэлчихсэн.

Гэтэл надад нэг асуулт байна. Хэн СОНГОГЧИДЫГ буюу хамагийн гол шийдвэр гаргаж байгаа хүмүүсийг сонгуульд бэлтгэж байна вэ? Тэднийг үнэн зөв мэдээлэлээр хангах газар байна уу? Одоогоор сонгогчидыг бэлтгэх, ухамсарлуулах, үнэн зөв мэдээлэлийг өгөх газар огт байхгүй.

Ардчилал гэдэг улс төрийн систем бол цэцэг мэт. Цэцэг ургаж нахиалахад хөрс хэрэгтэй. Тэрхүү хөрс бол АРД ТҮМЭН өөрсөдөө. Тэд ардчилалаа ойлгоогүй, мэдээгүй, хүсээгүй, ухамсарлаагүй, үүрэг хариуцлага, эрхээ таниагүй байхад ардчилал гэдэг цэцэг маань ургах боломжгүй. Буруу хөрсөн дээр ардчилал гэдэг үр суулгахад цэцэгтэй хамт шарилж ургана. Яваандаа шарилж илүү ихээр ургаж, цэцэг нахиалах боломжгүй болно. Тэгэхээр ардчилал гэдэг бол улс төрийн эрх мэдэл, үүрэгээ ухамсарласан иргэд буй цагт л үүсэх боломжтой гэж би боддог. Иргэд гэдэгт бүх хүн хамаатай. Ерөнхий сайд ч хамаатай, хаа нэгтэй манаачийн ажил хийж буй өвгөн ч хамаатай. Төрийн эрх мэдэл барьж буй хүмүүс ардчилалаа ойлгоогүй цагт, бас л ардчилал гэдэг цэцэгээ тарих боломжгүй. Ингээд бодохоор ардчилал гэдэг систем маань тийм амар зүйл биш.

Дараа жил болох сонгуульд ард олоныг бэлтгэх үүднээс блогтоо 2012 оны 7р сар хүртэл СОНГУУЛЬ-2012 цуврал бичлэг бичихээр шийдлээ.

Гол зорилго маань хүмүүст сонголтоо хийхэд туслах. Юмны наадах цаадахыг олж харахад нөлөөлөх. Улс төрийн үүрэг хариуцлагаа, эрхээ мэдэхэд туслах.

Мэдээж би өөрийн үзэл бодолын үүднээс л тайлбарлана. Буруу зөрүү зүйл бичиж үү, үгүй юу гэдэгийг шүүх ажил бол уншигч таны үүрэг. Улс ороныхоо ирээдүйн талаар боддог болж байвал миний зорилго биелэх нь тэр.

Юу бичих вэ гэвэл: Сонгуулийн тогтолцоо, төрийн тогтолцоо, ардчилалын сайн муу тал, намуудын өнгөрсөн ирээдүй одоогийн байдал гэх зэрэгийг. Үүнээс гадна сонгуульд нэр дэвших хүмүүсийн тухайн дэлгэрэнгүй бичнэ. Улс төрийн үйл ажилд олон жил оролцож буй хүмүүсийн талаар ч бичнэ.

Мэдээлэлээ хаанаас олох вэ? Улс төрийн намуудын болон хүмүүсийн талаарх мэдээлэлээ ИНТЕРНЭТээс авна. Өөрөөр хэлбэл хэн бүхэнд нээлттэй, ил байгаа бичлэгүүдээс өөрийн дүгнэлтүүдээ хийнэ.

Буруу философи мөхөлд хүргэнэ

2011-04-09T19:19:00.009+02:00

Өнөө цагийн дэлхийг эзэгнэж байгаа философи бол европ, америкын философи юм. Философийнхоо үзэл дээр тулгуурлаж шинжлэх ухаан мөн техник, технологи үүсгэсэн билээ. Шинжлэх ухаан, техник нь эргээд хүмүүсийн амьдрах хэв маягийг орвонгоор нь эргүүлэв.

Энэхүү эзэгнэн буй философийн гол үндэс бол дуализм: матери, оюун ухаан гэх хоёр салангид зүйл бий гэдэг. Матери нь үхмэл, амьгүй зүйл. Биднийг тойрон хүрээлж буй байгаль бол амьгүй матери. Тиймээс байгалийг хүмүүн өөрийн эрхшээлд оруулан захирах, өөрчлөх боломжтой гэж үзэв. Энэхүү бодолыг аль 16р зууны үед философич, математикч Ренэ Декарт " амьтад бол нэг ёсондоо робот, автомат" гээд нэг номондоо биччихсэн байдаг.

Гэхдээ өнөө цагт энэ бүх үзэл нь буруу юм гэдэгийг эхнээсээ таниж эхэллээ. Хүн байгаль дэлхийг, өөрийн амьдрах орчингоо бага багаар устгаж буйгаа 20р зууны дунд үеэс ойлгож эхэлжээ. Олон сайн философичид, эрдэмтэд 400н жилийн туршид эзэгнэн буй энэхүү буруу философийг халахын төлөө дуу хоолойгоо, үйл ажиллагаагаа нэгтгэж байна. Тиймээс монголчууд, монгол улс энэхүү шинжлэх ухаан, техникийн буруу үзэлийг бүү даган дуурайгаасай гэж би бодож явдаг юм.

Байгалийг үхмэл, амьтадыг робот гэж боддог хүмүүс доорх видеог үзээсэй. Байгаль дэлхий бол тэдний бодож буй зүйл биш юм шүү гэдэгийг ухаараасай.

http://www.youtube.com/watch?v=TMCf7SNUb-Q&feature=related

Гэрэл зурагийн тусаар бага ч болов энх тайван

2011-04-08T20:46:00.005+02:00

Гэрэл зурагаар дэлхийд бага ч болов энх тайван, найрамдал үүсгэх боломжтойг гэрэл зурагчин JR өөрийнхөө проектоор харуулжээ. Сөргөлдөөн, мөргөлдөөн, ядууралтай газаруудад очин, хүмүүсийн зурагийг аваад, түүнийгээ гудамжаар наан, хүмүүст бие биенийгээ таних, ойлголцох боломжийг олгож буй юм.
Гэрэл зурагийн боломж бололцоо үнэхээр шавхагдашгүй гэдэгийг харуулжээ.
Түүний өөрийн төсөлийн түүхийг ярьсан доорх бяцхан видеог үзээрэй.

http://www.youtube.com/watch?v=M5MEC5MPjvg&feature=player_embedded

Үзэл бодолоо илэрхийлэх өвөрмөц арга

2011-04-08T14:10:00.009+02:00

Хүнд давааныхаа талын ард гарсан учир бага зэрэг завтай болов. Тиймээс блогтоо үе үе, тогтмол янз бүрийн зүйлээ бичнэ ээ.

Саяхан нэгэн уншигч маань блогоо олон нийтэд таниул, мань мэтийн гарын таван хуруунд багтах л хүмүүс блогийг чинь уншиж байна гэсэн л дээ.

Миний блог хөтөлж буйн нэг зорилго бол өөрийн ойлгосон, мэдсэн, мэдэрсэн зүйлсээ бусадтай хуваалцах. Энэ блогийг заавал ОЛОН хүн уншдаг болгох зорилгогүй. Хэн нэгэн нь хэрэгтэй мэдээллээ Гүүглээр хайгаад энэ блогт олсон бол миний нэг зорилго биелж буй нь тэр. Олон уншигчтай байхын маш том сөрөг тал бол блог бичигч маань уншигчдаасаа хамааралтай, хараат болох явдал. Яанаа миний бичсэн юмыг хүмүүс унших болов уу, шүүмжлэх болов уу, таалалгдах болов уу... гэх мэтээр бөөн толгойн өвчин л гэсэн үг. Товч хэлэхэд миний блог уншигчгүй байсан ч би блогоо бичсээр байх болно. Учир нь блогоороо дамжуулж дэлхий ертөнцөд өөрийн дуу хоолойг монгол хэлээрээ дамжуулж буй юм. Энэ бол бас нэгэн зорилго.

Хүмүүст үзэл бодолоо илэрхийлэх явдал ус агаар мэт чухал. Аль дээр нэг өвөрмөц зүйл олж харсанаа одоо л блогтоо оруулж байна.

Америкын хувцас үйлдвэрлэгч нэг компани ёстой өвөрмөц аргаар улс төрийн үзэл бодолоо илэрхийлсэнийг дараах зурагаас хараарай. Лаг хөгжилтэй. Зөв үзэлдээ тууштай компаниудад би дуртай. Мөнгөний, ашигийн донтой компаниудын эздийг үзэн яддаг.

Хувцасны ярлик дээрээ лут зүйл бичжээ.

Дээрх жагсаалтны хамагийн доодох хоёр мөрийг унш даа!

Халуун усаар угаа, зөөлөн саван хэрэглэ... индүүдэж болохгүй, манай тэнэг ерөнхийлөгчийн өмнөөс уучлалт гуйж байна, бид нар сонгуульд түүний төлөө саналаа өгөөгүй...

I like this!!! хэхэ.

Жорж В. Буш нээрээ л тэнэг шүү. 9 сарын 11 ны үйл ажиллагааг америкын тэнэг ерөнхийлөгч нь хийлцсэн гэдэгт би ч үнэмшээд байгаа шүү, сүүлийн үед.

эх сурвалж: http://eastethnia.blogspot.com/2005/04/washing-and-care-instructions.html

Мөнгөний төлөө нүдээ өгөхөөс буцахгүй УИХын гишүүн

2011-04-06T21:26:00.014+02:00

Ийм үзэл бодолтой хүн УИХ-ын гишүүн болоод явж байна гэхээр итгэж чадахгүй нь ээ. Сонгогчдынхоо сайн сайхныг бодсон зүйл огт алга. Мөнгө л ярьсан хүн байх юм.

Атомын зэвсэг, атомын цахилгаан станц, станцаас гарах маш аюултай радио актив бодисыг тойрсон дэлхий даяар үйл ажиллагаагаа явуулдаг мафинууд байдаг. Тэд нар бол мөнгө л олж байвал яахаас ч буцахаа байчихсан байдаг. Энэ хүн яг мафи маягийн юм ярьж байна. Хэнээр хөөрхий тархи угаалгаа бол?

Бид бүхэний бие махбодиос гарч байгаа ялгадас цацраг идэвхит бодисоос аюултай гэж боддог төрийн түшээг одоо бид яах вэ. Хоргүй гэж хэдэн мянган удаа ч энэ жижигхэн ярилцлагатаа хэлдэг юм бэ?
Эрдэмтэд ийм хүмүүсийг толгойг нэг сэнхрүүлээд өгөөч. Дээр нь маш ашигтай наймаа гэдэгийг хэдэн мянга давтаж байгаа нь мөнгөний донтой болчихсон гэдэг л бодол төрүүлж байна.

Мөнгөний төлөө нүдээ ухаж өгөхөөс буцахгүй хүмүүс их болжээ хөөрхий.

Сэтгэгдэл бичсэн хүмүүс харин овоо шүүмжтэй ханджээ.

Ярилцлагыг нь та бүхэн өөрсдөө уншаарай.

эх сурвалж: http://tavantsagarig.mongolnews.mn/i/17931

О.Чулуунбат: Улаанбаатарын утаа, ил жорлонгоос цөмийн хаягдал арав дахин бага хортой

Ерөнхийлөгч асан Н.Энхбаяр 2005 онд Ерөнхий сайд байхдаа асар их ашигтай нэгэн нууц хэлэлцээр байгуулах ажлыг судлуулахаар Монголбанкны ерөнхийлөгч О.Чулуунбатыг Тайвань руу илгээжээ. Тэр нь Монголын нутагт цөмийн хаягдал булшлах тухай байсан гэж судлаач Д.Ганхуяг нэгэн хэвлэлд саяхан мэдээлэл өгчээ. УИХ-ын гишүүн О.Чулуунбатаас зарим зүйл тодрууллаа.

-Ерөнхий сайд асан Н.Энхбаярын “тусгай” даалгавраар Та 2005 онд Тайвань руу нэгэн нууц хэлэлцээр байгуулах ажлыг судлахаар явжээ. Тэр нь цөмийн хаягдлыг Монголд булшлах тухай байсан гэж ярьж байна. Энэ талаар тайлбар сонсохыг хүссэн юм?

-Улаанбаатар, Тайбэй (Тайванийн нийслэл) хотын хооронд бизнес-аяллын төв байгуулах яриа хэлэлцээр тогтоох оролдлого тухайн үед хийгдэж байсан. Цөмийн хаягдлын асуудлыг хоёр талын Засгийн газар яриад шийдчихдэг амархан зүйл биш. Олон улсын цөмийн энергийн байгууллагын хатуу хяналтын дор хийгддэг үйл ажиллагаа. Тэгэхээр намайг Н.Энхбаярын даалгавраар цөмийн хаягдлыг Монголд булшлах гэрээ хэлэлцээр байгуулах ажлыг судлахаар явсан гэдэг худлаа мэдээлэл байна.
Цөмийн хаягдлын талаар хувийн бодлоо хэлье. Хүмүүсийн яриад байдаг шиг аймаар зүйл биш шүү дээ. Асар их ашигтай бизнес. Америкт энэ бизнес сайн хөгжсөн. Хаягдлаас цөмийн түлш гарган авч, тодорхой хэсгийг нь Невадад булдаг. Цөмийн хаягдал чинь манай ДЦС-уудын гаргадаг үнс, утаанаас ч бага хортой гэдэг юм билээ. Би энэ талаар бага сага судалгаа хийсэн хүний хувьд ингэж хэлэх байна.

-Тэгэхээр Д.Ганхуяг гэдэг хүний тарааж байгаа мэдээллийг үгүйсгэж байгаа юм байна.

-Тийм зүйл болоогүй. Анх удаа л сонсож байна. Цөмийн хаягдал тийм ч хор хөнөөлтэй зүйл биш. Манайхан юм болгоныг муу муухайгаар нь харах юм. Улаанбаатарын утаа чинь цөмийн хаягдлаас илүү хортой шүү дээ.

-Мэдэхгүй зүйлээ манайхан буруугаар ярьж, ойлгодог тал бий. Цөмийн хаягдлын талаар мэргэжлийн байгууллага, мэргэжилтнүүд нь тодорхой, бодитой мэдээлэл өгдөггүй л дээ.

-Айгаад байх зүйл байхгүй. Улаанбаатарын утаа, ил жорлонгоос цөмийн хаягдал арав дахин бага хортой.

-Цөмийн хаягдлыг асар их ашигтай бизнес гэх юм билээ?

-Ашигтай гэдэг юм билээ. Ашиггүй байсан бол эдийн засгаараа дэлхийн тэргүүлдэг Америк энэ төрлийн бизнес хийхгүй биз дээ.

Юу үнэн бэ? Энэ үнэн! Радио актив туяаны үр дагавар

2011-03-26T01:47:00.010+01:00

Хүн төрөлхтөн одоо хүртэл ухаан суугаагүй, өөрийгөө болон дэлхий дээрх амьтай голтой бүхнийг, ерөөсөө амьдралыг тэр чигээр нь устгаж байгаа зүйлээр тоглосон хэвээр. Тоглоом тоотой нь дээр гэдэг бус уу.

Монголчууд ураан (uranium) олборлох л энэ дэлхий дээр дутаад байгаа юм байх даа?
Радио актив бодисуудын хор уршигийг мэдэхгүй хүмүүс байвал доорх зурагууд дээр дарж томруулж хараарай.

keywords: nuclear plant, nuclear bomb, radioaktiv, tschernobyl, tsatsrag idevhit bodis, atomiin tsahilgaan stants

-Nuclear power? -No! F*ck it!

2011-03-26T01:11:00.009+01:00

Японы болон дэлхийн ирээдүй иймэрхүү болох гэж үү? Бүх зүйл цацраг идэвхит туяагаар хордсон, уух усгүй, идэх ногоогүй, эрүүл хүнгүй?

Атомын станцуудад болон атомын бөмбөгт ашиглагддаг УРААН (uranium) ыг Дорнодод олборлох зөвшөөрөл өгсөн монгол засагийн газарын өмнөөс ичиж үхлээ! Эд мөнгө, эрх мэдэлийн шуналт баагий нараас болж дэлхий сүйрч байна гэсэн мэдээ сонсвол гайхах зүйлгүй. Шунал нь ихдээд шулам болсон хүмүүс дэлхийгээр дүүрэн, өт мэт ярзагнаж байна!

Атомын цахилгаан станцууд шиг ХЭРЭГГҮЙ зүйл дэлхий дээр байхгүй!

зурагийн эх сурвалж:http://www.zerohedge.com/article/escape-tokyo

Ruven Afanador: Cut Loose

2011-03-20T12:17:00.005+01:00

Энэ зураг үнэхээр таалагдлаа. Харангуут л далайн үнэр, салхи, ... сайхан байгаль...санаа зовох зүйлгүй... энгийн...
Зурагчин: Ruven Afanador
http://www.ruvenafanador.com/

Өлсгөлөн зүрх_Hungriges Herz

2011-03-19T00:26:00.006+01:00

Өнөөдөржин Өлсгөлөн Зүрх (=Hungriges Herz) хэмээх доорх дууг сонсч байна.
Бельги охидын найрал дууны хамтлаг герман дуу дуулжээ.
Хүмүүст герман дуу тэр болгон таалагддаггүй болохоор сонсохгүй ч байсан болно оо.

Шүлэг орчуулах даанч хэцүү тул монгол руу буулгасангүй. Ялангуяа герман хэлнээс үү...

Scala and Kolacny Brothers: Hungriges Herz
http://www.youtube.com/watch?v=CV-L2pgL9XM&feature=related

Dein zuckersüsser roter Mund lutscht alle Worte kugelrund
Und selbst im Kampf ergeben sich, deine Lippen meinen nicht
An deinen glühend heissen Wangen verbrenn ich meine Finger
Selbst wenn Du mich zu Boden wirfst wähn ich mich als Gewinner
Was ist mit meinem Willen bloss, machst meinen Willen willenlos

Du bist eis-eiskalt
Du bist eis-eiskalt

Mein hungriges Herz durchfährt ein bittersüsser Schmerz
Sag mir wie weit, wie weit, wie weit willst Du gehen
Mein hungriges Herz durchfährt ein bittersüsses Schwert
Sag nur wie weit ,wie weit, wie weit wirst Du gehen

Deine Augen sehen durch mich durch jemand anderen an
Wenn Deine Hände mich berühren, verfolgen sie einen Plan
Mit deiner rauhen Engelszunge dringst Du in mich ein
Du hälst mich fest was soll das bloss, drück ich zurück, lässt du mich los

Du bist eis-eiskalt
Du bist eis-eiskalt

Mein hungriges Herz durchfährt ein bittersüsser Schmerz
Sag mir wie weit, wie weit ,wie weit willst Du gehen
Mein hungriges Herz durchfährt ein bittersüsses Schwert
Sag nur wie weit ,wie weit, wie weit wirst Du gehen

Sag mir wie weit wie weit wie weit wie weit...........

20р зуунд Монголд хэдэн удаа 7 магнитудаас дээш газар хөдөлсөн бэ?

2011-03-15T12:23:00.006+01:00

Монгол бол дэлхийн тектоникын хавтангуудаас хол, тивийн гүнд оршдог. Сайсмологичдын хувьд тивийн гүнд орших нутагуудад газар хөдлөлт яаж, хэзээ болдог нь тун сонирхолтой юм.
Америкын газар зүйн агентлагын 1998 оны судалгаагаар 20р зуунд Монголд гурван удаа 8 магнитуд болон түүнээс дээш хүчтэй (M8+) газар хөдөлжээ.

Яг нарийвчилбал:

1905 онд Булнайд M 8,1 (М=магнитуд)
1931 онд Фү Юүнд (Шинжаанд боловч монголын хил дээр) M 7,9
1957 онд Говь-Алтайн говийн баруун хойд хэсэгт M 8,0 хүчтэй тус тус газар хөдөлжээ.

Үүнээс гадна зургаан удаа 7 магнитудын (M7+) хэмжээтэй газар хөдөлж байж.
Энэ бүхнээс харвал манай оронд ч бас хүчтэй газар хөдлөлтүүд үе үе болдог юм байна.
Бид бүхэн ирээдүйд ирэх аюулаас урьдчилан сэргийлэх ажилаа хийж байна уу?
(Доорх зураг дээр монголын газар нутагийг АНУынх тай харьцуулсан нь. Мөн гурван удаагийн хүчтэй газар хөдлөлтийн байршил. Зурагийг USGS аас авав. )
Эх сурвалж: http://earthquake.usgs.gov/research/geology/mongolia98/

Дараагийн хүчтэй газар хөдлөлт хаана вэ?

2011-03-15T10:55:00.006+01:00

Өнгөрсөн жилүүдэд нарны идэвхижил ер бусын бага байсан. Эрдэмтэд гайхаад л. Одоо бол нарны идэвхижил, нарны салхи нэмэгдэж, наран дээр толбонууд үүсч эхэлсэн нь дэлхийд хэрхэн нөлөөлөж эхэлсэнийг доорх видеонд маш сайн тайлбарлажээ.

Японд, Калифорны буланд (Gulf of California, ер нь америкын баруун эрэг), Энэтхэгийн өндөрлөг газаруудаар, Канарын аралуудад мөн Шинэ Зеландад хүчтэй газар хөдлөлтийн аюул байна гэдэгийг хэлжээ.

Доорх видеод шинэ зеландын Christchirch хотод газар хөдлөлт болох магадлал маш өндөр байна гэсэний дагуу үнэхээр 2 сарын 21нд тэнд 6.3 магнитудын хөдлөлт болсон (видеог 2 сарын 15нд Youtubeд тавьжээ). Сая Японд газар хөдөллөө. Видеоноос харахад Японд болох хүчтэй газар хөдлөлтүүд цааш үргэлжлэх нь.

Дээр нэр дурдсан газар байгаа бол тэндээс үтэр түргэн зайлах хэрэгтэй байна, мэдээж аминдаа хайртай бол шүү дээ.

http://www.youtube.com/watch?v=6yubH7KT9TQ&feature=player_embedded

Япон дахь 5 махбодийн гамшиг

2011-03-13T15:59:00.010+01:00

Япон улсын байдал одоо байгаагаас маш их хүндрэх төлөвтэй юм шиг байна. Боломжтой бол японы аралаас хүмүүсийг нүүлгэн шилжүүлэхгүй бол хүнд гамшиг болох нь ээ.

Би нэгдсэн үндэстэний байгууллагын дарга байсан бол япончуудыг аралаас нь эх газарлуу нүүлгэн шилжүүлэх байсан байхаа.

Яагаад хүндрэх төлөвтэй вэ гэвэл:

Эхлээд газар хөдлөлт буюу шороон махбодиос аюул учирлаа.
Залгаад цунами буюу усан махбодийн хүнд гамшиг болов.
Саяхан хэдэн цагийн өмнө Shinmoedake нэртэй галт уул дэлбэрчээ. Гал махбодийн осол.
Атомын цахилгаан станцаас радио актив бодис алдагдаж, нүдэнд үзэгдэхгүй, гарт баригдахгүй агаар мандал бохирдсон. Хий махбодийн аюул
Тав дахь махбодь буюу огторгуй. Юу байж болох вэ? Арай тэнгэрээс янз бүрийн зүйл унах бий дээ. :(
Тав дахь осол нэмэгдвэл жинхэнэ сүйрэл гэдэг энэ байх.
Хөөрхий япончуудыг өрөвдөж байна.

Update 2011.3.15
Огторгуйгаас ирэх аюул юу байж болохыг ойлголоо. Нарны идэвхижил, нарны салхины нөлөөнөөс болж газар хөдлөлт, галт уулын идэвхижил нэмэгдэнэ.

Жинхэнэ гамшиг

2011-03-12T11:37:00.006+01:00

Газар хөдлөлт, цунами. Одоо атомын цахилгаан станцд дэлбэрэлт болсон ч яг цөмийн зуух нь биш бололтой.
Хэрэв станц үнэхээр дэлбэрвэл цацраг идэвхит туяа хаашаа тархахыг одоогоор мэдэхгүй байгаа ч Номхон далай руу тархаж магадгүй.
Радио актив туяа (= цацраг идэвхит ) амьд амьтад, хүний гений санг гэмтээдэг. Ямар гамшиг вэ гэдэгийг энэ вэбсайтаас орж хараарай. http://www.pixelpress.org/chernobyl/

Зовж зүдэрч буй хүмүүсийн төлөө залбиръя.

Дэлхий даяарх газар хөдлөлтийн тандалт

2011-03-11T20:48:00.004+01:00

Японы гол арал Хоншугийн зүүн эрэгээр одоо хүртэл газар хүчтэй хөдөлсөөр байна. Хамагийн сүүлд 19:00 цагт (UTC) 6,2 рихтэрийн шаталбараар хөдлөв.
Хаана хэзээ газар хөдөлж буйг цаг тухайд нь мэдэхийг хүсч буй бол би өөрийн ордог вэб сайтыг санал болгож байна.
United States Geological Survey’s (USGS) Earthquake Hazards Program
http://earthquake.usgs.gov/earthquakes/recenteqsww/Quakes/quakes_all.html

Японы Фүкүшима атомын станц маш хүнд байдалд

2011-03-11T16:34:00.010+01:00

Унтаад сэрэхэд л нэг шинэ гамшиг. Сүүлийн үед ер нь дэлхий даяар маш аюултай нөхцөлд ороод байх шиг.
Японд одоогоор байдал хурцадмал байгаа бололтой. Атомын цахилгаан станцын эргэн тойрноос ард иргэдийг нүүлгэх ажил эхэлсэн. Барууны Атомын мэргэжилтэнүүд маш санаа зовж байгаа талаар хаа сайгүй мэдээлэл. Хамагийн их санаа зовоож буй атомын станц Фүкүшима. Хэдийгээр автоматаар станцыг унтраасан боловч хөргөлтийн системийн цахилгаан тасарчээ. Одоогоор хөргөгч систем батеригаар ажиллаж байгаа боловч хэдэн цагийн л нөөцтэй юм байна. Систем эвдэрвэл дизель мотороор цахилгаанаа хангадаг юм байна. Дизель мотор ажиллахгүй бол батери эцэсийн найдвар гэнэ. Одоо батери дээр ажиллаж байгаа аж. Батерийн нөөц дуусахаас өмнө ямар нэгэн арга олохгүй бол Атомын станц дэлбэрэх аюул нүүрлээд байгаа юм байна. 21 зууны Чернобель гэсэн үг.:-( Маш их санаа зовж байна. Хүн төрөлхтөн бид байгаль дэлхийтэйгээ буруу харьцаж, маш аюултай техник зохион бүтээсэний хор уршиг...яанадаа!

Update 3сарын 12.
Бурхан минь, Япон улс газар хөдлөлт, цунамид өртөлөө. Одоо атомын цахилгаан станц нь маш аюултай байдалд ирээд байна. Станцын эргэн тойроны 10 км-т буй бүх хүнийг нүүлгэн шилжүүлж байгаа. Энэ зурвас газарт л ойролцоогоор 45.000 хүн байгаа гэнээ. Станц хорт цацраг идэвхит туяа алдсан гэдэгийг холбогдох хүмүүс нь хүлээн зөвшөөрлөө. Хэдийгээр хүний биед нөлөөлөхгүй гэж байгаа ч... би лав итгэхгүй. Ямар ч байсан химийн болон атомын онцгой осолд бэлтгэгдсэн хүмүүс Фүкүшимад аль хэдийн иржээ. Тэдний хэмжсэнээр станцын хяналтын "зуухан" дахь цацраг идэвхит туяаны хэмжээ байх төвшинөөсөө 1000 дахь их байна. Атомын цахилгаан станц яаж ажилладагийг мэдэхгүй намайг өршөөгөөрэй!
Зарим нэг твиттерчид атомын станцын №1, №2р зуухны хяналтыг алдсан гэж бичив. Үнэхээр тийм бол газар шорооны, усны аюул дээр цөмийн цацрагт туяаны аюул нүүрлэх нь ээ. Япон улст байгаа бүх хүмүүстэй сэтгэл зүрх минь хамтдаа!